1-سۋرەت
سول كەزدە وسى توسبەلگىلەردى تاعىپ جۇرگەن قۇربىلارىمىزعا قاراپ قاتتى قىزىعاتىن ەدىك. قازىرگى مەكتەپ وقۋشىلارىنان سپورتتاعى جەتىستىكتەرىن كورسەتەتىن توسبەلگى كورە الماي ءجۇرمىز. سپورتشى بالا مەكتەپ قابىرعاسىندا ءوزىنىڭ سپورتتا جەتكەن جەتىستىگىن تانىتاتىن توسبەلگى تاعىپ جۇرسە, ول دەگەنىمىز, جانىنداعى قۇربىلارىنىڭ, ارتىندا ءوسىپ كەلە جاتقان ءىنى-قارىنداستارىنىڭ قىزىعۋشىلىعىن وياتىپ, سپورتقا جەتەلەيتىن بەلگى ەمەس پە؟! ءبارىمىز دە بالا بولدىق, بالا جىلتىراققا اۋەس, ەلىكتەگىش بولاتىنىن ءبىر ادامداي بىلەمىز. سىنىپتاسى توسبەلگى تاعىپ جۇرسە, ونى كورگەن دوسىنىڭ دا سپورتپەن اينالىسۋعا قۇشتارلىعى ارتپاي ما؟! وسىنى ويلاي وتىرىپ, ءوز باسىم قالاداعى سپورت ماماندارىمەن كەڭەسىپ ەدىم, ولاردان اۋىز تولتىرىپ ايتارلىق جاۋاپ الا المادىم. عالامتور ارقىلى «سپورت شەبەرى» مەن «حدسش» ء«سشۇ» دەگەن توسبەلگىلەردى تاپتىم (2-سۋرەت).
2-سۋرەت
بۇلاردىڭ ءوزىن سپورت مايتالماندارىنىڭ كەۋدەسىنەن كورە الماي ءجۇرمىن. ءتىپتى, سەمەيدە مەن كەزدەستىرگەن سپورتشىلارعا اتاعىن قورعاسا دا, «قازاقستان سپورت شەبەرى» توسبەلگىسى ءالى بەرىلمەگەن. ال كەڭەس زامانىندا مەكتەپ قابىرعاسىندا بەرىلەتىن ءى,ءىى, ءىىى رازريادتتى جەتىستىكتەر مۇلدەم الىنىپ تاستالعان. مۇنى قالاي تۇسىنۋگە بولادى؟ تاۋەلسىزدىك الۋ دەگەنىمىز, وتكەننىڭ ءبارىن جوققا شىعارىپ, ونىڭ جاقسى جاقتارىنان دا باس تارتۋ ەمەس قوي؟!
كورشى رەسەي مەكتەپتەرىندە ءى,ءىى,ءىىى راريادتتى توسبەلگىلەر سوناۋ توقسانىنشى جىلدارى قابىلدانىپ, قولدانىسقا ەنىپتى. رەسەي بۇل ماسەلەگە ءمان بەرىپ وتىر. بىزدە ءالى جوق.
وسىنىڭ ءبارىن پايىمداي كەلە, ماماندىعىم ديزاينەر بولعاندىقتان, ءوزىم جاساعان ۇسىنىس-جوبالارىمدى مادەنيەت جانە سپورت مينيسترلىگىنە ۇسىنىپ كوردىم. ازىرگە ول جاقتان حابار بولماي تۇر. بىراق بۇل يدەيانىڭ ايتەۋىر ءبىر كۇنى قولعا الىناتىنىنا سەنىمىم مول.
3-سۋرەت
مەن جاساعان جوبالاردى كورگەن ادام بۇل بەلگىلەردىڭ قازاقستاندى ايعاقتاپ تۇرعانىن بىردەن ۇعىناتىنى ءسوزسىز (3-سۋرەت).
ەرلان امىربەكوۆ
سەمەي
