باسقوسۋ بارىسىندا لاتىن گرافيكاسى نەگىزىندەگى جاڭا ۇلتتىق ءالىپبي جوباسىن جۇزەگە اسىرۋدا كەزدەسەتىن وزەكتى سۇراقتار مەن دىبىستى تاڭبالاۋدا قيىندىق تۋدىراتىن ارىپتەردىڭ ماسەلەسى تالقىلاندى. جۇمىس وتىرىسىنا ەلىمىزگە تانىمال عالىمدار, قوعام بەلسەندىلەرى, قوعامدىق جانە گۋمانيتارلىق باعىتتاعى عىلىمي-زەرتتەۋ ينستيتۋتتارىنىڭ قىزمەتكەرلەرى, جوو وقىتۋشى-پروفەسسورلارى قاتىستى.
قازىرگى ۋاقىتتا لاتىن گرافيكاسىنا كوشۋ تۋرالى عالىمداردىڭ ۇسىنىسى وتە كوپ. سولاردىڭ ءبارىن تىڭداپ, تەحنيكالىق عىلىمداردىڭ دا ماماندارىنىڭ ءبىر اۋىز سوزدەرى مەن دايەكتى پىكىرلەرىن ورتاعا سالىپ بارىپ, سوڭعى شەشىم شىعارىلادى. كومپيۋتەرلەرگە لاتىن گرافيكاسى نەگىزىندە قازاق ءتىلى قالاي كورىنىس تابادى دەگەن سۇراقتارعا جاۋاپ ىزدەگەن عالىمدار كۇن تارتىبىندەگى ماسەلەنى قىزۋ تالقىلادى. جۇمىس توبىنىڭ كەزەكتى وتىرىسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, «جاساندى ينتەللەكت» عىلىمي-زەرتتەۋ ينستيتۋتىنىڭ ديرەكتورى التىنبەك شارىپباەۆتىڭ لاتىن ءالىپبيى جايلى ۇسىنىسى; تانىمال التايتانۋشى, كونە جاپون, كونە تۇركى تىلدەرى جانە ەلەكترونيكا مامانى, فيلولوگيا عىلىمدارىنىڭ دوكتورى, پروفەسسور ەرعالي ازەرباەۆ (ماسكەۋ) مىرزانىڭ لاتىن ءالىپبيى تۋرالى ۇسىنىسى; «Bilim Media Group BMG» توراعاسى راۋان كەنجەحان ۇلىنىڭ لاتىن ءالىپبيى تۋرالى ۇسىنىسى; حالىقارالىق اقپاراتتىق تەحنولوگيالار ۋنيۆەرسيتەتىنىڭ كومپيۋتەر جانە ءىت ماماندارىنىڭ لاتىن ءالىپبيى تۋرالى ۇسىنىسى ورتاق تالقىعا ءتۇستى. الىپبيلىك جانە ورفوگرافيالىق ەرەكشەلىكتەر تۋرالى پىكىرلەر ءبىر توقتامعا كەلمەي, ورتاق شەشىم شىقپايدى. جىلدىڭ اياعىنا دەيىن ءوز جۇمىسىن جالعاستىرىپ, جىل سوڭىندا جۇمىس توبى ناقتى توقتامدارىن ايتاتىن بولادى.
باعاشار تۇرسىنباي ۇلى,
«ەگەمەن قازاقستان»
الماتى
