قوس قاريا استانا كۇنى ۇلكەن اۋلەتتىڭ ورتاسىندا گاۋحار تويلارىن اتاپ ءوتتى. وسىدان تۇپ-تۋرا 60 جىل بۇرىن وتاۋ قۇرىپ, سودان بەرى ءبىر شاڭىراق استىندا ءتۇتىن تۇتەتىپ كەلەدى. ەكەۋى دە - پەداگوگ.ء بىرى حيميك, ەكىنشىسى ماتەماتيك ماماندىعىن تاڭداپ العان. سانالى عۇمىرلارىن ەلىمىزدىڭ بولاشاق ازاماتتارىن تاربيەلەۋگە ارناعان ولاردىڭ ومىرىندە تاعىلىمدى, ونەگەلى عيبراتتار مول.
بۇل اۋلەتتىڭ بىلىم سالاسىنداعى جۇمىس ءوتىلى ءبىر عاسىردان اسادى. ءۇيدىڭ تۇڭعىشى ءلاززات جالمۇقانوۆا 30 جىلعا جۋىق ۇستازدىق قىزمەت اتقارادى. قازىرگى تاڭدا ول №17 ۇلتتىق وركەندەۋ مەكتەپ كەشەنىنە جەتەكشىلىك ەتەدى. ۇلكەن ۇلى داۋرەنبەك ناركولوگيالىق ورتالىقتىڭ باس دارىگەرى.
«كەمپىرىم ەكەۋمىز مۇعالىمنىڭ ازعانتاي تابىسىن قاناعات ەتىپ, بالالاردىڭ بارىنە جوعارى ءبىلىم اپەردىك. بايبىشەمنىڭ كيىمدى ءوزى تىگەتىن ونەرى بار. ەشكىمنەن كەم قالعان جوقپىز. ادال ەڭبەك ەتتىك. بۇگىنگىدەي ازات كۇنگە جەتكەنىمىزگە شۇكىرشىلىك ەتەمىز. ەلىمىز, ەلباسىمىز امان بولسىن. ءبىزدىڭ وتباسى قۇرۋىمىزدىڭ استانا كۇنىمەن ورايلاس كەلۋىن ماڭدايىمىزعا جازىلعان باقىت دەپ بىلەمىز», دەيدى وتاعاسى, «قازاقتان رەسپۋبليكاسى ءبىلىم بەرۋ ءىسىنىڭ ۇزدىگى» جۇماعۇل بەيسەمباەۆ.
84 جاستاعى اقساقال بەس ۋاقىت نامازىن قازا قىلعان ەمەس. اراب ءتىلىن مەڭگەرىپ, قۇران سۇرەلەرىن جاتقا وقيدى. «التىن القا» يەگەرى كامىش اپا ءالى كۇنگە دەيىن ءۇي شارۋاسىنا ارالاسادى. اس ۇيدەگى سۇيىكتى ىستەرىنىڭ ءبىرى – نەمەرە, شوبەلەرىنە ءبالىش ءپىسىرۋ.
ءبىر ايتا كەتەرلىگى, بەيسەمباەۆتار اۋلەتى 2015 جىلى وتكەن وبلىستىق "مەرەيلى وتباسى" بايقاۋىنا قاتىسىپ, جەڭىمپاز اتانعان.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
