ء «وڭىر ەكونوميكاسىن تۇرلاۋلى دامىتۋ ماقساتىمەن اسپان استى ەلىنەن 40-قا جۋىق ءىرى كاسىپورىنداردى تارتۋدى كوزدەپ وتىرمىز. وسىلايشا بۇعان دەيىنگى ارىپتەستىك بايلانىستى ودان ءارى تەرەڭدەتە تۇسەتىن بولامىز», دەيدى وبلىس اكىمىنىڭ ورىنباسارى داۋرەن جانداربەك.
ينۆەستورلار قاتارىندا وڭدەۋ, اۋىر ماشينا جاساۋ سالالارىنىڭ وكىلدەرى دە بار. قوسىمشا قارجى قۇيۋ ارقىلى ەكى تاراپ اراسىندا تاۋار اينالىمى ۇلعايۋمەن قاتار جاڭا جۇمىس ورىندارى دا اشىلاتىن بولادى.
«لۋان» كومپانياسىنىڭ اتقارۋشى ديرەكتورى ليۋ تسزيۋن قىزىلجار ءوڭىرى وكىلدەرىمەن سىندارلى اڭگىمە قوزعالعانىن, ءوز تەحنولوگيالارىمەن, جابدىقتارىمەن كەلۋگە نيەتتى ەكەندىكتەرىن جەتكىزدى. بۇل ەكى جاققا دا ءتيىمدى بولماق. ونىڭ ايتۋىنشا, «ەكسپو-2017» حالىقاقارالىق ماماندىرىلعان كورمە ۇسىنىپ وتىرعان ومىرشەڭ جاڭالىقتار مەن وزىق تەحنولوگيالاردىڭ مۇمكىندىكتەرىن ءتيىمدى پايدالانۋدىڭ ماڭىزى زور.
«يشەبەي» عىلىمي-تەحنيكالىق كورپوراتسياسى وزدەرىنىڭ وندىرىستىك قۋاتتىلىعىن بەينەروليكتەر ارقىلى دايەكتەپ, اينالىساتىن سالالار بويىنشا تۇسىنىكتەر بەردى.
«لۋان» تاۋ-كەن كومپانياسى – شانسي پروۆينتسياسىنداعى بەس ءىرى كومىر كورپوراتسيالارىنىڭ ءبىرى. جىلدىق قارجى اينالىمى 20 ميلليارد يۋاندى قۇرايدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
