جۋرنالدىڭ نەگىزگى ماقساتى – قازاقستان تاريحىن تانىمدىق تۇرعىدان, بۇگىنگى سارىنعا ساي, جەڭىل تىلدە جەتكىزۋ. ودان بولەك باسىلىم زاماناۋي تاسىلدەگى ينفوگرافيكا, ساپالى سۋرەتتەر جانە اسەرلى ديزاينىمەن ەرەكشەلەنەدى. العاشقى سانى ايتۋلى مەرەكە استانانىڭ تۋعان كۇنىنە وراي «بوزوقتان استاناعا دەيىن» دەگەن اتاۋمەن جارىق كوردى. «قازكونتەنت» اق باسقارما توراعاسى ە.كوچەتوۆتىڭ سوزىنشە, ەندى جۋرنال قازاق جانە ورىس تىلدەرىندە ايىنا ءبىر رەت وقىرماندارعا جول تارتادى. سونداي-اق, ول جۋرنال: ء«اربىر اتاۋلى داتا مەن تاريحي وقيعالاردى قامتىپ وتىراتىن كەڭ كولەمدى جۋرنال بولادى», دەدى. ەلەكتروندى باسىلىمنىڭ جالپى كولەمى – 50 بەت.
ەل سۇيسىنگەن ەلوردامىز 20 جىلدىڭ اياسىندا الەم مويىنداعانىمەن قويماي, وسى ۋاقىت ارالىعىندا استانا الەمدىك تۇرعىداعى ايتۋلى وقيعالار ورىن الاتىن باستى الاڭعا اينالدى. باستى شاھاردىڭ باعزى تاريحىنا بولساق, ءتۇبى بوزوقتان باستاۋ الاتىن استانانىڭ وتكەنى وتە باي ءارى تەرەڭ ەكەنىن پورتال رەداكتسياسىنىڭ تىلشىلەرى تىڭ ىزدەنىستەرمەن تولىقتىرىپ وتىر.
جاڭاشىل جۋرنالدا اسەم استانانىڭ تاعىلىمدى تاريحىمەن قاتار بۇگىنگى جارقىن دا جايلى ومىرىنەن بايان ەتەتىن تىڭ مالىمەتتەر, اسەرلى اڭگىمەلەر مەن قىزىقتى ەستەلىكتەر, ينفوگرافيكالار جاريالاندى.
تۇساۋى كەسىلگەن NDH DIGEST جەلىلىك جۋرنالى – بولاشاقتا تەرەڭ تاريحىمىز بەن تۇعىرلى تاۋەلسىزدىگىمىزدى جىرلايتىن باستى تانىمدىق اقپارات قۇرالى بولارىنا دەن سەنىمدىمىز.
«ەگەمەن-اقپارات»
