مەرەكەلىك شارالار لەگى قالانىڭ شاعىن اۋداندارىندا وتكەن كونتسەرتتىك باعدارلامامەن باستالىپ, شاھار جاستارى «EXPO 2017» كورمەسىنىڭ اياسىندا ءتۇرلى اكتسيالارعا قاتىسىپ, جەڭىمپازدار حالىقارالىق شاراعا بارىپ قايتۋ مۇمكىندىگىنە يە بولدى. ال سەمەيدە «قىمىزمۇرىندىق» فەستيۆالى ۇيىمداستىرىلىپ, قالا تۇرعىندارىنا اباي اۋدانى سارجال اۋىلىنىڭ قىمىزى تاراتىلدى.
«التىن تۇرعىسىن» ح حالىقارالىق ونەر فەستيۆالى دە استانا كۇنىمەن تۇسپا-تۇس كەلگەنىن ايتا كەتەيىك. زىريان اۋدانىندا وتەتىن فەستيۆالگە وبلىستان عانا ەمەس, رەسپۋبليكامىز جانە كورشىلەس مەملەكەتتەردىڭ ونەرپازدارى دا قاتىسادى. سونىمەن قاتار, مەرەكەگە وراي شالقار كولىنە ء(ۇشىنشى سىبە كولى) قاتىنايتىن «وسكەمەن – شالقار» اۆتوبۋس مارشرۋتى دا ءوز جۇمىسىن باستادى.
مەرەكەلىك شارالار قوس شاھاردا وتەتىن كەشكى كونتسەرتتىك باعدارلامالارمەن جالعاسىن تابادى. سونىڭ ىشىندە وسكەمەن قالاسىنىڭ تۇرعىندارىنا "X-Faسtor" جوباسىنىڭ جەڭىمپازى ەۆگەني ۆىبلوۆ جانە رەسەيلىك نتۆ ارناسى وتكىزگەن حالىقارالىق «تى – سۋپەر» جوباسىنىڭ قاتىسۋشىسى ۆلاد لوسكۋتوۆ اننەن شاشۋ شاشاتىن بولادى.
ازامات قاسىم,
"ەگەمەن قازاقستان"
وسكەمەن
