ونىڭ ىشىندە 5 سەرتيفيكات يەگەرى وتاندىق جاڭا كولىك ساتىپ الۋ كەزىندە سەرتيفيكاتتارىن پايدالانعان. ەسكى كولىكتەردى جەڭىلدىك سەرتيفيكاتى بويىنشا تاپسىرۋدان قوستاناي قالاسى كوش باستاپ تۇر. وندا وسى باعدارلاما بويىنشا 5 كولىك وتكىزىلدى. ودان كەيىن شقو 3 كولىكتى, قىزىلوردا قالاسى توزىعى جەتكەن 1 كولىكتى جەڭىلدىك سەرتيفيكاتىنا ايىرباستاعان. قازىرگى تاڭدا 1 اۆتوبۋس, 5 جۇك كولىگى مەن 26 جەڭىل اۆتوكولىك جويۋعا تاپسىرىلعان. بۇل 1980-1993 جج. ارالىعىندا شىققان كولىكتەر.
قر ەنەرگەتيكا مينيسترلىگى توزىعى جەتكەن كولىك قۇرالدارىن جويۋ باعدارلاماسى بويىنشا جاڭا كولىكتى جەڭىلدىك سەرتيفيكاتىمەن ساتىپ الۋعا تومەندەگى كۆوتانى ءبولىپ وتىر:
م1 ساناتى بويىنشا (جەڭىل كولىك) – 20 مىڭ ەسكى اۆتوكولىك
م2, N1, N2 ساناتى بويىنشا(جولاۋشىلار جانە جۇك كولىگى) – 1836
م3, N3 ساناتى (جولاۋشىلار (5 توننادان جوعارى) جانە جۇك كولىكتەرى (12 توننادان جوعارى) – 1164 كولىك قۇرالدارى
26 ماۋسىمىنان باستاپ ەلىمىزدە توزىعى جەتكەن كولىكتەردى تاپسىرۋشىلارعا جاڭا كولىك ساتىپ الۋعا جەڭىلدىك بەرىلەتىن سەرتيفيكات باعدارلاماسى ىسكە قوسىلدى. جەڭىلدىك سەرتيفيكاتى اتاۋلى جانە ونى وزگەنىڭ اتىنا تىركەۋ ەكى رەتتەن ارتىق جۇرگىزىلمەيدى. سونداي-اق ونى قايتارىپ بەرۋگە جانە قولما قول اقشاعا اۋىستىرىلمايدى. سەرتيفيكات تىركەلگەن كۇننەن باستاپ 12 ايعا دەيىن جارامدى.
توزىعى جەتكەن كولىك قۇرالدارىن جويۋ باعدارلاماسى وتاندىق پاركتىڭ جاڭارۋىنا, قازاقستاندىق ءاۆتووندىرىستى ىنتالاندىرۋعا جانە ۋتيليزاتسيا سالاسىنىڭ ينفروقۇرىلىمىن قالىپتاستىرۋعا مۇمكىندىك بەرەدى.
