«قورعاس» حشىو» اق پرەزيدەنتى ق.ءدجازيننىڭ ايتۋىنشا, بۇل جوبا كوپ فورماتتى ترانسشەكارالىق ىنتىماقتاستىقتىڭ تابىستى اتقارىلىپ جاتقاندىعىن اڭعارتادى. ورتالىق ساياسي, ساۋدا-ەكونوميكالىق, عىلىمي-تەحنيكالىق, گۋمانيتارلىق-مادەني سالالارداعى ءتيىمدى ىنتىماقتاستىقتى دامىتۋدىڭ زور الەۋەتىنە يە.
ەكى ەل شەكتەسەتىن شەكارالىق وڭىردە ىنتىماقتاستىق ايماعىن اشۋ باستاماشىلىق يدەياسى قازاقستان پرەزيدەنتىنىڭ 2002 جىلعى جەلتوقساندا قىتايعا ساپارى بارىسىندا تۋىنداعان بولاتىن. سول كەزدە جاڭا فورماتتاعى ءوزارا ءتيىمدى ساۋدا-ساتتىق پەن ينۆەستيتسيالىق ىنتىماقتاستىقتىڭ العى شارتتارى جاسالعان ەدى. «قازىرگى تاڭدا «قورعاس» كوپسالالى حاب رەتىندە تانىمال. ونىڭ قۇرامىندا تەمىر جول, اۆتوجول وتكەلدەرى, اۋە تاسىمالى, گاز قۇبىرى, تۋريستىك ساياحات مۇمكىندىكتەرى قاراستىرىلعان. «قورعاس – شىعىس قاقپاسى» اەا جەدەل قۇرىلىسىمەن بىرگە «نۇرلى جول» باعدارلاماسى «جىبەك جولى ەكونوميكالىق بەلدەۋى» تۇجىرىمداماسى بىرلەسكەن تۇردە جۇزەگە اسىرىلۋدا. ءبىز بىرلەسكەن جوبالاردى اتقارا وتىرىپ, ءوزارا قولداسىپ, يننوۆاتسيالىق جانە مادەني دامۋدى, وركەندەۋدى قامتاماسىز ەتۋدى ماقسات ەتەمىز», دەيدى قورعاس قالاسىنىڭ مەرى مۋرال ءابىلماجين.
باسقوسۋدا قاتىسۋشىلار «قورعاس» حشىو» ونەركاسىپ جانە كولىكتىك الەۋەتىمەن تانىستى. داستۇرگە اينالعان قازاقستان – قىتاي تۇساۋكەسەر ءراسىمى بىرقاتار تۇراقتى ينۆەستورلار مەن كاسىپكەرلەردىڭ نازارىن اۋداردى.
