وسى كەزدە قۇرىلىسى اياقتالىپ كەلە جاتقان كوپقاباتتى تۇرعىن ءۇيدىڭ التىنشى, جەتىنشى جانە سەگىزىنشى قاباتتارىنىڭ بالكوندارى وپىرىلىپ, ىسكە العىسىز بولىپ قالدى. بۇعان قوسا سالماقتى كرانداردىڭ قۇلاۋى اسەرىنەن ءبىرىنشى قاباتتاعى پاتەرلەردىڭ تەرەزەلەرى كۇل-پارشاسى شىقتى. ءارى سول ماڭداعى اۆتوكولىك تۇراعىنداعى التى جەڭىل اۆتوماشينا ءب ۇلىندى.
قاتتى داۋىل ابىلقايىر حان داڭعىلىنىڭ بويىنداعى قوبىلاندى باتىر اتىنداعى ورتالىق ستاديون تريبۋناسى توبەسىنىڭ ءبىر جاق بولىگىن ۇشىرىپ ءتۇسىردى. وسى كەزدە ستاديوننىڭ ىرگەسىندەگى «راحات» مەيرامحاناسى تەرەزەلەرىنىڭ اينەكتەرى كۇل-پارشاسى شىقتى. ايتەۋىر, وقىس وقيعادان ەكى جاعدايدا دا ادام شىعىن بولماعان. جاراقات العاندار جونىندە دە مالىمەت جوق. سونداي-اق, قاتتى جەلدىڭ اسەرىنەن قالانىڭ كەيبىر اۋماعىنداعى تال-تەرەكتەردىڭ ساباقتارى سىنىپ قۇلاعانى, كەيبىر تۇستا بۇرشاق جاۋىپ وتكەنى بەلگىلى بولىپ وتىر. قازىر تابيعاتتىڭ كەسىرىنەن ب ۇلىنگەن نىسانداردى قالپىنا كەلتىرۋ جۇمىستارى اتقارىلۋدا. وعان توتەنشە جاعدايلار دەپارتامەنتى مەن قۇرىلىس كومپانيالارىنىڭ تەحنيكالارى جۇمىلدىرىلعان. قاتتى داۋىلدىڭ قانداي كولەمدە ماتەريالدىق شىعىن اكەلگەنى ازىرگە بەلگىسىز. قازىر بۇل ىسپەن وڭىردەگى ارنايى ماماندار توبى اينالىسۋدا.
تەمىر قۇسايىن,
"ەگەمەن قازاقستان"
اقتوبە وبلىسى
