كەڭەس بارىسىندا زاڭنامالىق باستامالاردىڭ جاڭا پاكەتى تالقىلاندى, سونداي-اق دۇنيەجۇزىلىك بانكتىڭ «Doing Business» رەيتين-
گىسىندەگى قازاقستان پوزيتسياسىن جاقسارتۋ بويىنشا ۇكىمەت قولداناتىن بىرقاتار باسقا شارالار تالقىلاندى.
ۇكىمەتتىڭ اتالعان جۇمىسى اياسىندا 7 كودەكس پەن 9 زاڭعا ەنگىزىلەتىن تۇزەتۋلەر پاكەتى قالىپتاستىرىلدى. 9 كورسەتكىش بويىنشا وزگەرىستەر قاراستىرىلعان: «كاسىپورىن اشۋ», «قۇرىلىسقا رۇقسات الۋ», «ەلەكترمەن قامتۋ جۇيەسىنە قوسۋ», «كەلىسىمدەردى ورىنداۋ», «حالىقارالىق ساۋدا», «مينوريتارلىق ينۆەستورلاردى قورعاۋ», «وتەۋ قابىلەتسىزدىگىن شەشۋ», «نەسيەلەر الۋ», «مەنشىكتى تىركەۋ».
كەڭەس قورىتىندىسى بويىنشا پرەمەر-مينيستر ب.ساعىنتاەۆ مينيسترلىكتەر مەن ۆەدومستۆولارعا العا قويىلعان مىندەتتەردى ىسكە اسىرۋ بويىنشا بىرقاتار تاپسىرمالار بەردى. ولاردىڭ ىشىندە «استانا 1» اقپاراتتىق جۇيەسىن ونەركاسىپتىك پايدالانۋعا بەرۋ مەرزىمدەرىن ساقتاۋدى, ەكسپورتتىق-يمپورتتىق وپەراتسيالار بويىنشا بىرىڭعاي تەرەزەنىڭ, جىلجىمالى مۇلىك كەپىلىنىڭ بىرىڭعاي ءتىزىلىمىنىڭ جۇمىس جاساۋىن, ەكىنشى دەڭگەيدەگى بانكتەردىڭ اقپاراتتىق جۇيەلەرى مەن ساقتاندىرۋ ۇيىمدارىن «ەلەكتروندى ۇكىمەت» پورتالىمەن ىقپالداستىرۋدى قامتاماسىز ەتۋ سياقتى تاپسىرمالار بار.
