«20-27 ماۋسىم ارالىعىندا ۇلتتىق بىرىڭعاي تەستىلەۋ جاڭا فورماتتا ءوتتى. ۇبت-عا قاتىسۋعا ءوتىنىش بەرگەن تۇلەكتەردىڭ سانى 92 مىڭنان استام بولدى. ال ناقتى ۇبت-عا قاتىسقان تۇلەكتەردىڭ سانى 88 مىڭنان استام. تۇلەكتەردىڭ 73 پايىزدان استامىنىڭ تەستى قازاق تىلىندە تاپسىرعانى قۋانارلىق جايت», - دەدى ول.
ورتالىق ديرەكتورىنىڭ ايتۋىنشا, رەسپۋبليكا بويىنشا ۇبت 165 پۋنكتە وتكىزىلدى. ولارعا ەلىمىزدىڭ ءبىلىم جانە عىلىم مينيسترلىگىنىڭ 1818 وكىلى جىبەرىلدى. ونىڭ 75 پايىزىن جوعارى وقۋ ورىندارىنىڭ پروفەسسور وقىتۋشىلارى, ال 25 پايىزىن كوللەدج مۇعالىمدەرى قۇرادى.
«اعىمداعى جىلى العاش رەت تەست بارىسىن ونلاين كورسەتۋ جۇزەگە اسىرىلدى. بۇل قىزمەت بارلىق ادامعا قازاقستاننىڭ كەز كەلگەن نۇكتەسىندە ءوتىپ جاتقان ۇلتتىق بىرىڭعاي تەستىلەۋ بارىسىن قاداعالاۋعا مۇمكىندىك بەردى. ءبىزدىڭ پايىمىمىزشا, بۇل قىزمەت بۇزۋشىلىق دەڭگەيىن تومەندەتۋگە ايتارلىقتاي سەپتىگىن تيگىزدى. ۇبت-نى وتكىزۋ ەرەجەسىن بۇزعانى جانە ۇيالى تەلەفون سىندى تىيىم سالىنعان زاتتاردى قولدانعانى ءۇشىن تەستىلەۋدەن 12 تۇلەك شىعارىلدى. جالپى تەستىلەۋ بارىسىندا 84 مىڭنان استام تىيىم سالىنعان زاتتار, ونىڭ ىشىندە 40 مىڭنان استام ەلەكتروندى قۇرىلعىلار جانە 40 مىڭنان استام قاعاز تۇرىندەگى شپارگالكالار», – دەدى ر. الىمقۇلوۆ.
ونىڭ سوزىنە قاراعاندا, ۇبت وتكىزۋ ورىندارىندا قۇرامىندا نەگىزىنەن 3300 ءپان مۇعالىمى بار اپپەلياتسيالىق كوميسسيا جۇمىس ىستەگەن. ال رەسپۋبليكالىق اپپەلياتسيالىق كوميسسيا قۇرامىندا 54 ادام بولدى. رەسپۋبليكالىق كوميسسياعا مازمۇنى بويىنشا 199 تەست تاپسىرماسى ءتۇسىپ, ونىڭ 103 قاناعاتتاندىرىلدى.
«ۇبت قورىتىندىسى بويىنشا بەس پاننەن ورتاشا بالل 80,5 پروتسەنت بولدى. شەكتى دەڭگەيدى, ياعني 50 بالدى 74517 تۇلەك الدى. ال شەكتى دەڭگەيدەن وتە الماعاندار 14 066 ادام», – دەدى سپيكەر.
