قالاىشىلىك جول ءجۇرۋ قۇنىنىڭ تولىق ءتاريفى 55 تەڭگە بولىپ بەكىتىلگەلى دە ءبىراز جىلدار ءوتتى. قاراپايىم حالىق ءۇشىن قولجەتىمدى باعا بولىپ سانالاتىن بۇل تاريف ەندى بىرەر كۇننەن سوڭ كۇشىن جويادى. ەندى اعىمداعى جىلدىڭ 8 شىلدەسىنەن باستاپ تاراز قالاسىندا جولاقى باعاسى 10 تەڭگەگە كوتەرىلەتىن بولدى.
تاراز قالالىق اكىمدىگىنىڭ حابارلاۋىنشا, «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قازاقستان رەسپۋبليكاسىنىڭ 2001 جىلعى 23 قاڭتارداعى زاڭىنىڭ 31, 37 باپتارىنا جانە «اۆتوموبيل كولىگى تۋرالى» قازاقستان رەسپۋبليكاسىنىڭ 2003 جىلعى 4 شىلدەدەگى زاڭىنىڭ 19-بابىنا سايكەس, تاراز قالاسىنداعى جولاۋشىلار مەن باگاجدى اۆتوموبيلمەن تۇراقتى تاسىمالداۋدا جول ءجۇرۋ ءتاريفى بارلىق جولاۋشىلار ءۇشىن 65 تەڭگە بولىپ بەكىتىلدى. سونداي-اق, 1 جانە 11 سىنىپ ارالىعىنداعى مەكتەپ وقۋشىلارى ءۇشىن جول ءجۇرۋ قۇنى 30 تەڭگە, ال مەكتەپ وقۋشىلارىنىڭ ايلىق بىرىڭعاي ءجۇرۋ بيلەتى 1000 تەڭگە بولىپ بەكىتىلدى.
حاميت ەسامان,
«ەگەمەن قازاقستان»
جامبىل وبلىسى
