ايتاقوۆ جارىلقاسىن ابدىعاپار ۇلى 1962 جىلى جامبىل وبلىسى, جۋالى اۋدانى, جاڭا تالاپ اۋىلىندا دۇنيەگە كەلگەن. ۇلتى قازاق. ءبىلىمى جوعارى. 1985 جىلى جامبىل گيدرومەليوراتسيا-قۇرىلىس ينستيتۋتىن ينجەنەر-مەحانيك, 2004 جىلى تاراز مەملەكەتتىك ۋنيۆەرسيتەتىن زاڭگەر جانە 2007 جىلى اۋليە-اتا ۋنيۆەرسيتەتىن پەداگوگيكا جانە پسيحولوگيا پاندەرىنىڭ وقىتۋشىسى, 2011 جىلى جامبىل گۋمانيتارلىق-تەحنيكالىق ۋنيۆەرسيتەتىن ەكونوميست ماماندىقتارى بويىنشا بىتىرگەن.
ەڭبەك جولىن 1985 جىلى رەسەي فەدەراتسياسى, كالۋگا وبلىسىنداعى كوندروۆ جىلجىمالى-مەحانيكالاندىرىلعان كولونناسىندا ۋچاسكە مەحانيگى بولىپ باستاعان. 1985-1990 جىلدارى جۋالى اۋدانى «بۋرنوە №15» كاسىپتىك تەحنيكالىق ۋچيليششەسىندە وقىتۋشى, ديرەكتوردىڭ ورىنباسارى قىزمەتتەرىن اتقارعان.
1990-1992 جىلدارى جۋالى اۋداندىق كومسومول كوميتەتىنىڭ ءبىرىنشى حاتشىسى, 1992-1995 جىلدارى جۋالى اۋداندىق اكىمشىلىگىندە ۇيىمداستىرۋ ءبولىمىنىڭ مەڭگەرۋشىسى, 1995-2008 جىلدارى جۋالى اۋدانى اكىمى اپپاراتىنىڭ باسشىسى, 2008-2010 جىلدارى جۋالى اۋدانى اكىمىنىڭ ورىنباسارى بولعان.
2010-2012 جىلدارى جامبىل وبلىسى اكىمى اپپاراتىنىڭ قارجى-شارۋاشىلىق ءبولىمىنىڭ مەڭگەرۋشىسى قىزمەتىندە بولعان. كەيىننەن جۋالى اۋداندىق ءماسليحات حاتشىسى قىزمەتىن اتقارعان.
