ءباسپاسوز ءماسليحاتىندا ءبىرىنشى بولىپ ءسوز العان استانانىڭ كومەكشى ەپيسكوپى اتانازيۋس شنايدەر ءدىن مەن ەكولوگيانىڭ بايلانىسى جونىندە وي قوزعادى. سونداي-اق عىلىم مەن ءدىن, مادەنيەت پەن رۋحانيات, ەكوفيلوسوفيا تۋرالى پىكىرلەرىمەن ءبولىستى.
«شىركەۋ بولاشاقتىڭ ەنەرگياسىنا وزىنە عانا ءتان, ايرىقشا ۇلەسىن قوسا الادى. الايدا, ول قانداي دا ءبىر تەحنولوگيانىڭ كۇشىمەن ەمەس, جاراتۋشىنى جەر بەتىندەگى بارلىق ەنەرگيانىڭ قاينار كوزى رەتىندە كورسەتۋ ارقىلى جۇزەگە اسادى», – دەيدى استانانىڭ كومەكشى ەپيسكوپى اتانازيۋس شنايدەر.
ۇزاق جىلدار بويى حريستياندىق ەكولوگيالىق ءبىلىم ماسەلەلەرىمەن اينالىسىپ كەلە جاتقان بەلگىلى ەكولوگ, پولشانىڭ ءدىن مامانى ستانيسلاۆ يارومي كورمەدەن العان اسەرىمەن ءبولىستى.
«مەن 10 ساعات بويى ەكسپو-2017 كورمەسىندە ۇسىنىلعان پاۆيلونداردى ارالاپ شىقتىم. 300-دەن استام سۋرەت ءتۇسىردىم. ول سۋرەتتەردە باستى تاقىرىپ – بولاشاق ەنەرگياسى بەينەلەنگەن. وسىدان كەيىن ءبىزدىڭ قولىمىزدا الەمدى دامىتۋدىڭ تۇراقتى ۇلگىسى بار ەكەنىن ۇعىندىم. بىزدە جاڭا تەحنولوگيالار دا بار, دۇرىس باعدار بەلگىلەنگەن. تەك وسىنىڭ بارلىعىن جۇزەگە اسىرۋ ءۇشىن ەنەرگيا جەتە مە دەگەن سۇراق تۋىندايدى», – دەيدى دوكتور ستانيسلاۆ يارومي.
ايدار ورىسباەۆ,
«ەگەمەن قازاقستان»
