«زەردە» حولدينگىمەن بىرىگىپ جاساعان جۇمىستار ءۇشىن سەرىكتەستەرىمىزگە العىس بىلدىرەمىن. پرەمەر-مينيستر باقىتجان ساعىنتاەۆتىڭ اقش-قا ساپارىنان كەيىن, قازاقستاندا كرەمني القابى بۇرىشىن دايىنداۋ تۋرالى تىكەلەي تاپسىرما الدىق. ەل ەكونوميكاسىن تسيفرلاندىرۋ ماسەلەسى ءبىز ءۇشىن وتە ماڭىزدى. مەملەكەت باسشىسى نۇرسۇلتان نازارباەۆتىڭ «تسيفرلى قازاقستان» مەملەكەتتىك باعدارلاماسىن قابىلداۋ تۋرالى تاپسىرما بەرگەندىگىن بىلەسىزدەر. وسى تاپسىرمالار اياسىندا بۇگىن كرەمني القابى بۇرىشىن تانىستىردىق», – دەدى د. اباەۆ.
«زەردە» حولدينگىنىڭ باسقارما ءتورايىمى اسەل جيەنباەۆانىڭ ايتۋىنشا, بۇل – ۇزدىك تەحنولوگيالاردى زەرتتەۋ جانە قازاقستاننىڭ تسيفرلى ەكونوميكا مەن تەحنولوگيالىق جاڭعىرتۋعا بەت الىسىن كورسەتۋ الاڭى. قازاقستانداعى كرەمني القابى بۇرىشىنىڭ نەگىزگى مىندەتى ەكونوميكانى تسيفرلاندىرۋ بويىنشا «زەردە» سەرىكتەستەرىنىڭ جاڭا شەشىمدەرىن جانە شەت مەملەكەتتەردە, ەكونوميكانىڭ ءتۇرلى سالالارىندا قولدانىلاتىن تاجىريبەلەردى تانىستىرۋ بولادى. تاعى ءبىر ايتا كەتەرلىگى, ەكسپو كورمەسىنەن كەيىن دە كرەمني القابى بۇرىشى ءوز جۇمىسىن جالعاستىرادى جانە ونىڭ الاڭىندا الەمدىك اۋقىمداعى ءتۇرلى ستارتاپتار تانىستىرىلادى.
ايتا كەتەيىك, 2017 جىلدىڭ ساۋىرىندە قر پرەمەر-ءمينيسترى باقىتجان ساعىنتاەۆ قر پرەزيدەنتى ن.نازارباەۆتىڭ تاپسىرماسى بويىنشا اقش-قا جۇمىس ساپارىمەن باردى. مۇندا الەمدىك يننوۆاتسيالىق كوشباسشىلار قاتارىنداعى كومپانيا وكىلدەرىمەن كەزدەسۋلەر وتكىزىپ, قازاقستان ەكونوميكاسىنىڭ ءۇشىنشى جاڭعىرتىلۋى اياسىندا بىرلەسكەن ىنتىماقتاستىق مۇمكىندىكتەرىن تالقىلادى جانە كرەمني القابىندا قازاقستان وكىلدىگىن اشۋ تۋرالى كەلىسىمگە قول قويدى.
