8 ملرد تەڭگە «اتفبانككە», 2 ملرد تەڭگە «نۇربانككە» سالىندى. تالاپ بويىنشا بانكتەر پاريتەتتى تۇردە قارجى ءبولۋى كەرەك. ياعني ەكى بانك وسى سوماعا تەڭ قارجى شىعارادى. وسىلايشا «دامۋ-وڭىرلەر ءىىى» باعدارلاماسىنا بولىنگەن قارجىنىڭ جالپى كولەمى 20 ملرد تەڭگەگە جەتتى.
نەسيە «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا جۇزەگە اسىرىلىپ جاتقان جوبالارعا بەرىلەدى.
«دامۋ-وڭىرلەر» باعدارلاماسى بويىنشا نەسيە العان كاسىپكەرلەر سۋبسيديا تۇرىندەگى قوسىمشا جەڭىلدىكتى دە پايدالانىپ, پايىزدىق مولشەرلەمەنى 7-10 پايىزعا ارزانداتا الادى. ال كەپىل مۇلكى بولماعان نەمەسە جەتىسپەگەن جاعدايدا «دامۋ» قورى نەسيە سوماسىنىڭ 85 پايىزىنا دەيىن كەپىلدىك بەرەدى.
قارجىلاندىرۋ تالاپتارى تومەندەي. نەسيە بويىنشا نومينالدى سىياقى مولشەرلەمەسى «اتفبانك» اق ارقىلى – جىلىنا 14%. «نۇربانك» ارقىلى – جىلىنا 17,5%. ءبىر كاسىپكەردىڭ قولىنا مەرزىمى 84 ايعا دەيىن 500 ملن تەڭگەگە دەيىن بەرىلەدى;
نەسيەلەۋگە اگروونەكاسىپتىك كەشەندەر, تاۋ-كەن ءوندىرىسى, قۇرىلىس ماتەريالدارىن شىعارۋ, مەتاللۋرگيا, مەتاللوڭدەۋ, ماشينا قۇرىلىسى, كولىك جانە قويمادا ساقتاۋ, تۋريزم, اقپارات جانە بايلانىس سالالارى, سونداي-اق كاسىبي, عىلىمي جانە تەحنيكالىق قىزمەت تۇرلەرى مەن دەنساۋلىق ساقتاۋ جانە الەۋمەتتىك, ءبىلىم بەرۋ, ونەر, كوڭىل كوتەرۋ جانە دەمالىس پەن باسقا دا قىزمەت تۇرلەرى كىرەدى.
بۇل باعدارلامالاردى جۇزەگە اسىرۋ اياسىندا بۇگىنگى كۇنى 3 134 كاسىپكەر نەسيە الىپ,11 375 جاڭا جۇمىس ورىندارى اشىلىپ, ناقتى بەرىلگەن قاراجات 175 ملرد تەڭگەگە جەتتى.
ايناش ەسالي,
«ەگەمەن قازاقستان».
الماتى
