ۇلىتاۋ وڭىرىندە 700-دەن استام ارحەولوگيالىق جانە ارحيتەكتۋرالىق تاريحي ەسكەرتكىش بار. ونىڭ 12-ءسى رەسپۋبليكالىق ماڭىزعا يە. «كەيكىنىڭ ۇڭگىرى» ەشبىر مارتەبەگە يە بولماسا دا, اۋىلدىڭ باس كوتەرەر بەلسەندى ازاماتتارى ەشكىمگە الاقان جايماي-اق قيا شىڭداعى ۇڭگىردىڭ جەلكەسىندەگى بيىك جوتاعا ەسكەرتكىش-بەلگى قويىپتى. شاتتىعى سارقىلماعان «شەڭبەردەگى» شىرايلى شارانىڭ بىرەگەيى وسى.
ەسىمىن ەستىگەندە «سارى ورىس» سەلك ەتىپ, «قىزىلدىڭ» قانى باسىنا شاپقان كەيكى «قاراتورعاي» وزەنىنىڭ بويىنداعى شاتقالدا بوي تاسالاعان. ەكى بولمەلى ۇڭگىر جاسىرىنۋعا, قورعانۋعا, اتىسۋعا وتە وڭتايلى ءارى قولايلى بولعانى قازىر دە كورىنىپ تۇر. تۋرا توبەسىنەن تۇسپەسە, ءتىرى جان تاپپايدى.
ەسكەرتكىش-بەلگىگە مىنانداي ءبىر شۋماق ولەڭ جازىلىپتى:
«ەل ەمەس پە ەك: «باتىر ورتاق» دەي-تۇعىن,
ەرلەر وتكەن ەلدىڭ قامىن جەيتۇعىن,
ەي, جولاۋشى, اتتان تۇسىپ تاعزىم ەت,
ۇڭگىرى بۇل كوكجال − قۇلان − كەيكىنىڭ!».
الىبەك ءابدىراش,
جۋرناليست
قاراعاندى وبلىسى,
ۇلىتاۋ اۋدانى
سۋرەتتى تۇسىرگەن اۆتور
