ۋاقىت ءبىر ورنىندا تۇرمايدى. كەشەگى كەڭەس وكىمەتى تۇسىندا وتىن-ەنەرگەتيكالىق كەشەن رەتىندە بۇكىل وداقتىق مانگە يە «بوگاتىر» كەنىشى, الەمگە ايگىلى ەلەكتر ستانسالارىمەن, كوپتەگەن كاسىپورىندار شوعىرلانعان ءوڭىر بولدى. بۇگىندە ەكىباستۇز مونو قالالار قاتارىندا. قالا اۋماعىنا 2 كەنت, 27 اۋىل قارايدى. شاعىن جانە ورتا بيزنەس تە جاقسى دامىعان. يندۋستريالاندىرۋ ساياساتىن ىسكە اسىرۋدادا ورنى بولەك. قالاعا قارايتىن اۋىلدىق اۋماقتار اۋىلشارۋاشىلىق ونىمدەرىمەن, كوكونىس, كارتوپپەن قامتاماسىز ەتىپ تۇر.
وڭىردە يندۋستريالدى يننوۆاتسيالىق دامۋ باعدارلاماسى بارىسىندا قۇنى 500 ملرد تەڭگە تۇراتىن 17 جوباسى جۇزەگە اسىرىلۋدا. ەلىمىزدىڭ باسەكەگە قابىلەتتى ەكونوميكاسىن قالىپتاستىرۋعا ۇلەس قوسىپ كەلە جاتقان, كەنشىلەر قالاسى دەيمىز.
بيىلعى توي ەرەكشە. 60 جىلدىق مەرەيتويعا ارنالعان يپپودروم اۋماعىندا ەتنواۋىل اشىلىپ, 60 كيىز ءۇي قۇرىلدى. كەنشىلەر قالاسى جىل سايىن قازاقتىڭ ۇلى تۇلعالارىنا ارناپ, كوشە اتاۋلارى بەرىلىپ, ەسكەرتكىش ورناتىلادى. بيىل وسى مەرەيتويعا وراي ۇلى ويشىل ءماشھۇر جۇسىپ بابامىزعا دا ەسكەرتكىش اشىلدى. ەكىباستۇزدىقتاردى قالا كۇنىمەن قۇتتىقتاۋعا وبلىس اكىمى بولات باقاۋوۆ تا كەلدى.
ەكىباستۇز ەلىمىز ءۇشىن وتىن ەنەرگەتيكا جانە ءىرى وندىرىستىك ورتالىق ەكەنى بەلگىلى. قالا حالقىنىڭ سانى قازىر 154 مىڭداي. سوڭعى جىلدارى 4 مەكتەپ, 4 ەمحانا, 4 جەكەمەنشىك مەديتسينالىق ورتالىق, 12 بالاباقشا اشىلدى. بيىلىعى جىلى «ANSA Silicon» جشس –مەن تەحنيكالىق كرەمني ءوندىرۋ بويىنشا ينۆەستيتسيالىق جوبانى ىسكە اسىرۋ, «Greenhouse KZ» جشس-مەن جىلىجاي كەشەنىن كەڭەيتۋ جانە قولدانىستاعى ءوندىرىس الاڭىن ارتتىرۋ, «پرومماشكوملەكت» جشس-مەن تەمىرجول سالاسى ءۇشىن دوڭعالاقتار شىعارۋ تسەحىنىڭ قۇرىلىسىن اياقتاۋ, سونداي-اق شامامەن 25 اۋلانى اباتتاندىرۋ جوسپارلانىپ وتىر. مەرەيتوي كۇنى «وبلىستىڭ قۇرمەتتى ازاماتى» اتاعىنا ەڭبەك ارداگەرلەرى دۇكەن قىزعارين مەن قايرات سماعۇلوۆ «بوگاتىر كومىر» جشس بوگاتىر جۇك تيەۋ- كولىك باسقارماسىنىڭ باسشىسى الەكساندر گريگورەۆتار يە بولدى, توي كۇنى ساحنا تورىندە «دوس-مۇقاسان» ءانسامبلىى ونەر كورسەتتى. يپپودرومدا الامان بايگە ءوتتى.
فاريدا بىقاي
«ەگەمەن قازاقستان»
ەكىباستۇز
