ەتنيكالىق قازاقتار ءۇشىن كەلۋ جانە جانە ازاماتتىق الۋ راسىمدەرىنىڭ وڭايلاتىلۋىنا بايلانىستى, وتكەن جىلى, ەلىمىزگە 16 مىڭنان استام ورالمان وتباسى كوشىپ كەلدى. بۇل 2015 جىلى وتانىنا ورالعاندارعا قاراعاندا 8 ەسەگە ارتىق كورسەتكىش.
دەگەنمەن, كەلگەن قانداستارىمىزدىڭ باسىم بولىگى تۇرعىلىقتى جەرى رەتىندە استانا مەن الماتى قالالارىن جانە وڭتۇستىك وڭىرلەردى تاڭداعاندىقتان, بۇل رەتتە سولتۇستىك وڭىرلەرگە قونىستانۋدىڭ تەرىس سالدوسى ۇلعايدى.
جالپى, 1991 جىلدان 2017 جىلدىڭ 1 ساۋىرىنە دەيىن 1 ميلليوننان استام ەتنيكالىق قازاق تاريحي اتامەكەنىنە ورالىپ, ورالمان مارتەبەسىن الدى. 2016 جىلى - 16,4 مىڭ وتباسى (33 754 ادام), 2017 جىلدىڭ 1 توقسانىندا - 2,6 مىڭ وتباسى (4,9 مىڭ ادام). وسى ورايدا 2016 جىلى ەلىمىزگە قونىس اۋدارعان تۇلعالاردىڭ ەڭبەككە جارامدى ۇلەسى 56 پايىزدى قۇراسا, 18 جاسقا دەيىنگى بالالار - 39% جانە زەينەتكەرلەر - 47% بولدى. 2017 جىلى ەلگە ورالعانداردىڭ 26,4%-ىن 18 جاسقا دەيىنگى بالالار, 67,3%-ىن ەڭبەككە جارامدى جاندار, 6,3%-ىن زەينەتكەرلەر يەلەندى.
اتپ وتەر بولساق, كوش بەت تۇزەگەن نەگىزگى ەلدەردىڭ ىشىندە بىلتىر جانە بيىل وزبەكستان (تيىسىنشە 2016 جىلى 62% جانە 2017 جىلى 54,5%), قىتاي ( 2016 جىلى 14% جانە 2017 جىلى 33,4%), موڭعوليا (2016 جىلى 9% جانە 2017 جىلى 2,1%), تۇركىمەنستان ( 2016 جىلى 6,7% جانە 2017 جىلى 4,6%) مەملەكەتتەرى ەرەكشە كوزگە تۇسەدى.
تلىقتىرىپ كەتسەك, 2016 جىلى, قونىس اۋدارۋشىلاردى قابىلداۋدا 7 ءوڭىر (اقمولا, اتىراۋ, شىعىس قازاقستان, باتىس قازاقستان, قوستاناي, پاۆلودار جانە سولتۇستىك قازاقستان وبلىستارى) جانە كوشتىڭ قاينار كوزى رەتىندە 4 ءوڭىر (الماتى, جامبىل, ماڭعىستاۋ جانە وڭتۇستىك قازاقستان وبلىستارى) بەلگىلەنگەن. جوعارىدا كەلتىرىلگەن وڭىرلەرگە قونىس اۋدارۋدى ۇيعارعان وتانداستارىمىزعا كوش شىعىندارىن جاباتىن جانە ءبىر جىل بويى باسپانا جالداۋعا قاجەت قارجىنى وتەيتىن قارجى بولىنەدى. 2017 جىلى 2,7 مىڭ ازاماتتىڭ قونىس اۋدارۋىنا سۋبسيديا تولەۋ كوزدەلگەن.
اعىمداعى جىلى مينيسترلىك تاراپىنان 2017-2021 جىلدارعا ارنالعان كوشى-قون ساياساتى تۇجىرىمداماسىن جاساۋ قولعا الىنىپ, وندا كوشى-قون ۇدەرىسىن ءتيىمدى تۇردە رەتتەۋ, ورنىقتى دەموگرافيالىق وركەندەۋ مەن ەلدەگى بىلىكتى جۇمىس كۇشىنە سۇرانىستى قامتاماسىز ەتۋ, ۇلتتىق قاۋىپسىزدىكتى نىعايتۋ ماسەلەلەرى كورىنىس تاباتىن بولادى.
