«قحا كافەدرالارى مەن ورتالىقتارىن جانە وڭىرلىك بولىمدەرىن بىرىكتىرەتىن قحا عىلىمي-ساراپتامالىق كەڭەسىنىڭ بىرىڭعاي ساراپتامالىق زەرتتەۋ جەلىسىن قۇرۋ كەرەك. ول ءۇشىن 2017-2018 جىلدارى قر اقپارات جانە كوممۋنيكاتسيالار مينيسترلىگى جانىنان قۇرىلاتىن قحا مۋلتيمەديالىق پورتالىنىڭ مۇمكىندىكتەرىن ءتيىمدى پايدالانۋ كەرەك. پورتالدى قۇرۋ جۇمىستارى ءجۇرىپ جاتىر. بۇل قولدانۋشى اۋديتوريا ءۇشىن قحا ساراپتامالىق ورتاسىنا, اقپاراتتىق جانە ساراپتامالىق باعالاۋىنا قولداۋ بىلدىرۋگە مۇمكىندىك بەرەدى», - دەدى توراعا ورىنباسارى دارحان مىڭباي.
ودان بولەك, وتىرىستا قوعامدىق سانانى جاڭعىرتۋعا باعىتتالعان «تۋعان جەر», «قازاقستاننىڭ كيەلى جەرلەرى», «قازاقستاننىڭ 100 جاڭا تۇلعاسى», «جاھاندىق زاماناۋي قازاقستاندىق مادەنيەت», «قازاق ءالىپبيىن لاتىنعا اۋىستىرۋ», قوعامدىق جانە گۋمانيتارلىق عىلىمدار بويىنشا «قازاق تىلىندەگى 100 جاڭا وقۋلىق» جوبالارى اينالاسىندا تانىمال عىلىمي-اقپاراتتىق ورتا قۇرۋ قاجەتتىگى ايتىلدى.
«اسىرەسە, «تۋعان جەر» جوباسىنىڭ تاجىريبەلىك ماڭىزدىلىعىن ەرەكشە اتاپ وتكىم كەلەدى. بۇل باعدارلاما قازاقستاننىڭ بارلىق ەتنوستارىنا ارنالعان. بۇل ءبىزدىڭ بىرلىگىمىز بەن ازاماتتىق سايكەستىلىگىمىزدى نىعايتاتىن ناقتى ىستەر. وسىعان بايلانىستى, وڭىرلەردە تاريحتى, مادەني ەسكەرتكىشتەر مەن تۇلعالاردى زەرتتەۋ تاجىريبەسىن جۇيەلەپ, قورىتىپ, ناسيحاتتاعان ءجون», - دەدى دارحان مىڭباي.
