"تسيفرلى قازاقستان" باعدارلاماسى اياسىندا ەلەكتروندى قىزمەت كورسەتۋگە كوشەمىز. قازىردىڭ وزىندە ءبىز قىزمەت ءتۇرى eGov پلاتفورماسىندا اۆتوماتتى تۇردە كورسەتىلەدى. بۇل كەپىلدىكتى ۇسىنۋ قىزمەتى. وسى قىزمەت بويىنشا 360 ءوتىنىش قارالىپ, سونىڭ 109-ى ماقۇلداندى. بيىل جىل سوڭىنا دەيىن سۋبسيديالاۋ قىزمەتتەرىن اۆتوماتتاندىرامىز. ال كەلەر جىلى تولىقتاي اۆتوماتتى قىزمەتكە كوشەمىز", - دەدى سارقۇلوۆ.
ونىڭ ايتۋىنشا, وسى باعىتتاعى جۇمىستاردا شاعىن نەسيەلەندىرۋگە ەرەكشە كوڭىل اۋدارىلماق.
"شاعىن نەسيەلەندىرۋ كاسىپكەرلىكتى قولداۋدىڭ نەگىزگى تەتىگى بولادى. قازاقستاندا شاعىن نەسيەلەندىرۋدى پايدالانعان 200 مىڭداي كاسىپكەر بار. ولار ورتاشا ەسەپپەن 1 ملن تەڭگەدەن شاعىن نەسيە الدى. ارقايسىسى نەسيە العان كۇننىڭ ەرتەڭىندە-اق كاسىپتەرىن باستاپ كەتتى", - دەدى سارقۇلوۆ.
سونىمەن قاتار, قور زياتكەرلىك مەنشىكتى ساتىپ الۋدى قارجىلاندىرۋ, ەلەكتروندى كوممەرتسيانى قولداۋ, تسيفرلى پلاتفورما مەن ەكوجۇيەنى, يسلامدىق قارجىلاندىرۋ, كراۋدفاندينگ, كراۋدينۆەستينگ دامىتۋعا كوڭىل اۋدارماق.
