ق. توقاەۆ قازاقستاندا ەنەرگيا جيناقتاۋ جانە «جاسىل» ەكونوميكانى دامىتۋ سالاسىنداعى يننوۆاتسيانى ىلگەرىلەتۋگە ەرەكشە نازار اۋدارىلىپ وتىرعانىن اتاپ ءوتتى. قازىرگى كەزدە ءوتىپ جاتقان اۋقىمدى شارالار – «ەكسپو-2017» حالىقارالىق كورمەسى مەن استانا ەكونوميكالىق X فورۋمى كەلەشەگى زور وسى باعىتقا ارنالىپ وتىر.
سەنات توراعاسى ورنىقتى دامۋ-2030 بەن كليماتتىڭ وزگەرۋىمەن كۇرەس سالاسىنداعى كۇن تارتىبىنە ۇيىمنىڭ قوسىپ كەلە جاتقان ۇلەسىن جوعارى باعالادى. ءبىزدىڭ ەلىمىزدە فاو ۇيىمىمەن بىرلەسە وتىرىپ «جاسىل كوپىر» ارىپتەستىك باعدارلاماسى ىسكە اسۋدا, «جاسىل» ەكونوميكاعا كوشۋ جونىندەگى تۇجىرىمداما ۇلتتىق دەڭگەيدە قابىلداندى. ەكسپو پاۆيلوندارى نەگىزىندە بۇۇ اياسىندا «جاسىل» تەحنولوگيالار مەن ينۆەستيتسيالىق جوبالاردى دامىتۋ جونىندەگى حالىقارالىق ورتالىق اشىلدى.
استانادا 2016 جىلى اشىلعان ۇيىم بيۋروسىنىڭ تيىمدىلىگىن ارتتىرۋ جونىندەگى بىرقاتار ۇسىنىستار ايتا كەلىپ ق.توقاەۆ: «قازاقستان فاو-مەن ىنتىماقتاستىقتى ۇدەتۋدى كوزدەپ وتىر», - دەدى.
ۆ. راحمانين فاو باعدارلامالارىن ىسكە اسىرۋعا بەلسەندى قاتىسقانى ءۇشىن قازاقستانعا العىس ايتتى جانە ءوزارا ءتيىمدى ءارى ناتيجەلى ىنتىماقتاستىقتى دامىتۋعا سەنىم ءبىلدىردى.
