ەلباسىنىڭ تاياۋدا جاريالاعان «بولاشاققا باعدار: رۋحاني جاڭعىرۋ» اتتى باعدارلامالىق سيپاتتاعى ماقالاسىندا «تۋعان جەر» باعدارلاماسىن قولعا الۋدى ۇسىنعان بولاتىن. مەملەكەت باسشىسى وتانسۇيگىشتىك سەزىمدى كىندىك قانىڭ تامعان توپىراعىڭا, وسكەن اۋلاڭا, قالا مەن وڭىرىڭە, ياعني تۋعان جەرىڭە دەگەن ماحابباتتان باستالاتىنىن قاداپ ايتقان بولاتىن. وسى تۇرعىدا وكتيابر اۋدانىندا «تۋعان جەر» باعدارلاماسىنىڭ اياسىمەن «بار جاقسىلىق – بالالارعا!» اتتى اكتسيا وتۋدە. «تۋعان جەر» باعدارلاماسىن قاراعاندىلىق بوكسشى گەننادي گولوۆكين دە قولدادى. ونىڭ دالەلى, بۇگىنگى اشىلىپ وتىرعان «جۇلدىزاي» زاماناۋي ويىن كەشەنى. يگى شارانىڭ اشىلۋ سالتاناتىندا وكتيابر اۋدانىنىڭ اكىمى ءالىمجان قاناەۆ جانە قاراعاندى قالالىق ءماسليحاتىنىڭ دەپۋتاتى دانيار يساەۆ ءسوز سويلەدى.
بۇل باستاما ەل ماتانىشى GGG-ءدىڭ جۋىردا تۋعان جەرگە ات باسىن تىرەگەن ۋاقىتتا كوتەرىلگەن بولاتىن. وبلىس اكىمى ەرلان قوشانوۆپەن جەكە كەزدەسكەن بوكسشى قاراعاندىدا بالالار سپورت الاڭىن تۇرعىزاتىنىن جەتكىزگەن ەدى.
جاڭا الاڭ مايقۇدىقتاعى 14-ءشى شاعىن اۋداندا سالىنادى دەگەن بوكسشى قۇرىلىس جۇمىستارى چەمپيوننىڭ ەسەبىنەن جۇرگىزىلەتىنىن دە ايتىپ وتكەن بولاتىن.
– ەل پرەزيدەنتى «بولاشاققا باعدار: رۋحاني جاڭعىرۋ» اتتى ماقالاسىندا «تۋعان جەر» باعدارلاماسى تاماشا باستاما! – دەدى بوكسشى, – مەن دە قۋانا-قۋانا بۇل باعدارلاماعا قوسىلامىن. ءوزىم ءبىر كەزدەرى تۇرعان, وسكەن ءۇيدىڭ اۋلاسىندا بالالار سپورت الاڭىن تۇرعىزىپ بەرگەنىم دۇرىس دەپ ويلايمىن. ەلباسىنىڭ باستاماسىن تولىعىمەن قولدايمىن.
ميراس اسان,
«ەگەمەن قازاقستان»
قاراعاندى وبلىسى
