21 ماۋسىمعا دەيىن روۋد-شوۋ اتىراۋ, قوستاناي, تاراز, وسكەمەن, سەمەي, قاراعاندى, ورال سەكىلدى تاعى 7 قالادا وتپەك.
ەستەرىڭىزگە سالا كەتسەك, «استانا بانكى» اق قاراپايىم اكتسيالارى ماۋسىمنىڭ سوڭىندا ساۋدالانا باستايدى, تيكەرى – ABBN. IPO-نىڭ ينديكاتيۆتىك باعاسى – ءبىر اكتسيا ءۇشىن 1150 تەڭگە. IPO-عا ورنالاستىرىلاتىن اكتسيالار سانى – 2,1 ملن. دانا, ورنالاستىرىم كولەمى – 2,5 ملرد. تەڭگە.
«استانا بانكى» اق باسقارما توراعاسى ەسكەندىر مايلىباەۆتىڭ مالىمدەۋىنشە, ينۆەستورلاردان تارتىلعان قارجى ارى قاراي بانكتىڭ ونىمدەر ءتىزىمىن, IT-ينفراقۇرىلىمىن دامىتۋعا جانە دە كليەنتتەر قورىن ۇلعايتۋعا باعىتتالاتىن بولادى.
ءوز كەزەگىدە «فريدوم فينانس» كومپانياسى ساباعاتتىق قولداۋ كورسەتەتىن ورنالاستىرىمنىڭ اندەررايتەرى بولىپ تابىلادى, سونداي-اق, ول ماركەت-مەيكەر ءرولىن اتقارىپ, باعا بەلگىلەنىمىن قولداۋمەن اينالىساتىن بولادى. سونداي-اق, ورنالاستىرىمنىڭ ورتاق اندەررايتەرلەرى رەتىندە «اسىل ينۆەست» اق جانە «ەۋرازيالىق كاپيتال» اق قاتىسىپ وتىر.
ايناش ەسالي,
«ەگەمەن قازاقستان».
الماتى
