ۇكىمەت • 15 ماۋسىم, 2017

ساعىنتاەۆ اەف الاڭىندا تانىمال ساراپشى-ەكونوميستەرمەن كەزدەستى

108 رەت
كورسەتىلدى
1 مين
وقۋ ءۇشىن

ح استانا ەكونوميكالىق فورۋمى اياسىندا قر پرەمەر-ءمينيسترى باقىتجان ساعىنتاەۆ اقش ساراپشىلارىمەن بىرقاتار ەكىجاقتى كەزدەسۋلەر وتكىزدى, ولاردىڭ قاتارىندا ەكونوميست جانە جازۋشى ناسسيم تالەب, پۋبليتسيست ءارى جازۋشى دجون پەركينس, پرينستون ۋنيۆەرسيتەتىنىڭ تاريح پروفەسسورى حارولد دجەيمس بار, دەپ حابارلايدى primeminister.kz.

ساعىنتاەۆ اەف الاڭىندا تانىمال ساراپشى-ەكونوميستەرمەن كەزدەستى

كەزدەسۋ بارىسىندا الەۋمەتتىك-ەكونوميكالىق دامۋ, ەنەرگەتيكالىق ساياسات, كليماتتىق وزگەرىستەر, ادام كاپيتالىن دامىتۋ ماسەلەلەرى تالقىلاندى. 

باقىتجان ساعىنتاەۆ سۇحباتتاسۋشىلارعا فورۋم جۇمىسىنا قاتىسقانى ءۇشىن ريزاشىلىعىن ءبىلدىردى. ءوز كەزەگىندە ساراپشىلار ەكونوميكانى تەحنولوگيالىق جاڭعىرتۋ, ەنەرگيانىڭ بالاما كوزدەرىن دامىتۋ, ءبىلىم بەرۋ سالاسىنداعى رەفورمالار جانە ت. ب. باعىتتار بويىنشا قازاقستان دامۋىندا وڭ قارقىننىڭ بايقالاتىنىن اتاپ ءوتتى. 

سوڭعى جاڭالىقتار