ناسسيم تالەب الەمدىك ەكونوميكاعا ايتارلىقتاي سالدارى تيەتىن بولجاۋعا كەلمەيتىن وقيعالارعا نەگىزدەلگەن «قارا اققۋلار» (تەوريا «چەرنىح لەبەدەي») تەورياسىنىڭ اۆتورى. بۇل تەورياعا مىسال رەتىندە ينتەرنەتتىڭ دامۋىن, ءبىرىنشى دۇنيەجۇزىلىك سوعىس, كەڭەس وداعىنىڭ كۇيرەۋى مەن 11 قىركۇيەكتەگى شابۋىلدى اتاۋعا بولادى. داۆوستا وتكەن بۇكىلالەمدىك ەكونوميكالىق فورۋمدا, بواوسكتاعى ازيالىق فورۋمدا جانە پەتەربۋرگتەگى حالىقارالىق ەكونوميكالىق فورۋمدا سپيكەرلەر ءوز باياندامالارىندا بولاشاقتا ورىن الاتىن الەمدەگى ەكونوميكالىق احۋال تۋرالى ايتقاندا اتالمىش تەورياعا ءجيى سىلتەمە جاساپ وتىرعان.
– ناسسيم تالەبتىڭ كىتاپتارى الەمدىك بەستسەللەرگە اينالدى. قر تۇڭعىش پرەزيدەنتى – ەلباسى قورىمەن بىرگە ءبىز اۆتوردىڭ «قارا اققۋلار» تەورياسى تۋرالى كىتابىن قازاق تىلىنە اۋدارۋدى ۇسىنعىمىز كەلەدى, – دەدى ءوز سوزىندە اەسي ديرەكتورى ەرجان سالتىباەۆ.
«بۇل كىتاپ الەمنىڭ 27 تىلىنە اۋدارىلعان, الەم بويىنشا 3 ميلليوننان استام داناسى ساتىلعان. الداعى جىلداردا قازاقستاندا الەمنىڭ ءار تىلدەرىنەن 100 ۇزدىك كىتاپ قازاق تىلىنە ءتارجىمالانادى – وسكەلەڭ ۇرپاقتىڭ قوعامدىق ساناسىن جاڭعىرتۋ دەگەنىمىز وسى», دەدى اەسي ديرەكتورى.
كەزدەسۋ سوڭىندا اەسي ديرەكتورى ەرجان سالتىباەۆ ناسسيم تالەبتى جالپى الەم مەن ەۋرازيا ايماقتارى اسەر ەتەتىن جاھاندىق تەندەنتسيالار مەن ولاردى شەشۋ جولدارىن قاراستىرۋعا ارنالعان استانا كلۋبىنىڭ كەزەكتى وتىرىسىنا قاتىسۋعا شاقىردى.
قازىرگى تاڭدا ناسسيم نيكولاس تالەب نيۋ-يورك ۋنيۆەرسيتەتىندە ينجينيرينگ سىن-قاتەرلەرى پروفەسسورى. تولىق ەمەس اقپارات نەگىزىندە شەشىم قابىلداۋ پرينتسيپتەرىن, سونىمەن بىرگە, «قارا اققۋلار» تەورياسىنا جاتاتىن ساياسي جانە ەكونوميكالىق جۇيەلەردى ازىرلەۋ بويىنشا مامانداندىرىلعان. اكادەميالىق مانسابىنا دەيىن CreditSuisseFirstBoston, UBS, BNP-Paribas, Indosuez سەكىلدى ءىرى قارجى ورتالىقتارىن لاۋازىمدى قىزمەتتەر اتقاردى.
اەسي قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىلىكتى قالىپتاستىرۋ مەن نىعايتۋ, حالىقارالىق ىنتىماقتاستىقتى دامىتۋ مەن بەيبىتشىلىك پەن تۇراقتىلىقتى قامتاماسىز ەتۋگە قوسقان ۇلەسىن زەرتتەيدى. اەسي پىكىرتالاس الاڭى ۇلت كوشباسشىسىنىڭ ستراتەگيالىق باستامالارىن جان-جاقتى ناسيحاتتاۋ اياسىندا جانە ولاردى جۇزەگە اسىرۋ جولدارىن قالىپتاستىرۋ بويىنشا جۇمىس ىستەيدى.
