ونلاين رەجيمدە 14 وبلىستىڭ حالىق وكىلدەرىمەن كەزدەسكەن مينيستر جىل بويى مينيسترلىك جاساعان جۇمىستارعا توقتالدى. قىلمىستىڭ الدىن الۋ, جاسالعان قىلمىستى اشۋداعى جەتىسىتكتەرمەن بولىسكەن مينيستر ەلىمىزدە كريميناگەندىك احۋالدىڭ تۇراقتى ەكەندىگىن جەتكىزدى. ايتۋىنشا, ەلىمىزدە قىلمىس سانى - جاسوسپىرىمدەر اراسىنداعى زاڭ بۇزۋشىلىقتار, كوشە قىلمىسى تومەندەپ, جول اپاتتارى وتكەن جىلدارمەن سالىسىرىپ قاراعاندا ءبىرشاما ازايعانمەن, ىشىمدىكتىڭ كەسىرىنەن بولاتىن قىلمىستار مەن تۇرعىن ءۇي, ۇيالى تەلەفون جانە مال ۇرلىعى جيىلەگەن.
مينيسترگە بارلىق وڭىردىك وكىلدەرى وزدەرىن مازالاپ جۇرگەن سۇراقتارىن جولدادى. ماڭعىستاۋ وبلىسىنان سۇراق بەرگەن توتەنشە جاعدايلار ارداگەرى
سەيتمولدا مۇحانوۆ اقتاۋ قالاسىندا 2-اق ءورت ءسوندىرۋ ءبولىمىنىڭ بار ەكەندىگىن, ەكەۋى دە ءبىر شاعىن اۋداندا ورنالاسقاندىعىن, ء ورت سوندىرۋشىلەر دەرك ەزىندە قالا ماڭىنداعى ومىرزاق, پرومزونا, پريمورسكي ەلدى-مەكەندەرىنە جەتە الاميتىندىعىن ايتىپ, ماسەلەنى شەشۋ جولدارىن سۇرادى.
-ءورت قاۋىپسىزدىگىن قامتاماسىز ەتۋ ءۇشىن ءار ءورت ءسوندىرۋ دەپوسىنىڭ قاشىقتىعى 3 شاقىرىم بولۋى قاجەت. سوندىقتان, اقتاۋعا تاعى 4 دەپو كەرەك. بۇل ماسەلەنى دامۋ باعدارلاماسىنا ەنگىزدىك. الايدا قارجى از ءبولىندى. قازىر وسى سۇراقپەن اينالىسىپ جاتىرمىز. جەرگىلىكتى اتقارۋشى ورگانمەن شەشەمىز, دەدى مينيستر ق.قاسىموۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
