بولاشاققا ارمان, ەرتەڭگە ءۇمىت جەتەلەگەن ءجاسوسپىرىم قىز-جىگىتتەردىڭ الىپ-ۇشقان كوڭىل-كۇيى كەڭ الاڭدى كەرنەپ كەتتى. بيىل وڭىردە 91 تۇلەك «التىن بەلگىگە» يە بولعان ەكەن. بىلىمگە, يننوۆاتسياعا يەك ارتقان جاڭا عاسىردا ەلىمىزدىڭ تاعدىرى ءدال وسى ءبىلىمدى ۇرپاققا بايلانىستى ەكەندىگى ءسوزسىز.
.jpg)
- ءبىز ءبىلىم سالاسىنا ارقاشان ەرەكشە كوڭىل بولەمىز. جاستارىمىزدىڭ جاقسى ءبىلىم الىپ, ءوسىپ-دامۋى ءۇشىن بارلىق جاعدايدى جاسايمىز. بيىلدىڭ وزىندە «نۇرلى جول» باعدارلاماسى بويىنشا وڭىردە جاڭادان 8 مەكتەپ سالىنۋدا. ۇشا بىلەر قاناتقا دۇنيە كەڭ. «بولاشاق» باعدارلاماسى بويىنشا الەمنىڭ كەز كەلگەن جەرىندە, ەڭ ۇزدىك وقۋ ورنىندا ءبىلىم الۋعا مۇمكىندىك جاسالعان. ءبىز سەندەرگە سەنەمىز! - دەدى ءوز سوزىندە ءوڭىر باسشىسى التاي كولگىنوۆ. ءوزى دە وسى باعدارلاما بويىنشا ۇلىبريتانيانىڭ ابەردين ۋنيۆەرسيتەتىن بىتىرگەن اكىمنىڭ بۇل ءسوزى اسەرلى شىقتى.
.jpg)
كەش بارىسىندا «التىن بەلگى» يەلەرى كوككە شار-دەستە ۇشىرىپ, وتشاشۋ شاشىلدى.
قازبەك قۇتتىمۇرات ۇلى,
«ەگەمەن قازاقستان»
سۋرەتتى تۇسىرگەن تەمىربولات توقمامبەتوۆ
