مەموراندۋمعا Mastercard-تىڭ رەسەي, قازاقستان, بەلارۋس, ارمەنياداعى باسشىسى الەكسەي مالينوۆسكي مەن «استانا» حالىقارالىق قارجى ورتالىعىنىڭ (احقو) باسقارۋشىسى قايرات كەلىمبەتوۆ قول قويدى.
سەرىكتەستەر قارجى ورتالىعىنىڭ يننوۆاتسيالىق ينفراقۇرىلىمىن دامىتۋدى, ونىڭ ىشىندە زامانۋي تولەم تەحنولوگيالارىن بەلسەندى پايدالانباق. مەموراندۋمعا قول قويۋ ءراسىمى استانا ەكونوميكالىق فورۋمى اياسىندا وتكەن تەحنولوگيالاردىڭ قارجى ورتالىقتارىنىڭ دامۋىنا اسەر ەتۋى تۋرالى سەسسيادان كەيىن جاسالدى.
«زاماناۋي تولەم تەحنولوگيالارىنىڭ كەڭ تارالۋى كاسىپكەرلەر, قارجىلىق ۇيىمدار مەن مەملەكەت ءۇشىن جاڭا مۇمكىندىكتەر بەرمەك. Mastercard ۇسىناتىن شەشىمدەر ءارتۇرلى سالالاردا: قالا مەن ايماقتى باسقارۋ, ترانسپورت, قىزمەت كورسەتۋ سالاسى, تۋريستىك بيزنەس, ءبىلىم سالاسىندا پايدالانىلادى. Mastercard پەن احقو اراسىنداعى سەرىكتەستىك قازاقستانداعى قولما-قول اقشاسىز ەكونوميكانىڭ دامۋىنداعى ماڭىزدى قادام بولماق», - دەدى Mastercard-تىڭ رەسەي, قازاقستان, بەلارۋس, ارمەنياداعى باسشىسى الەكسەي مالينوۆسكي.
«استانا» حالىقارالىق قارجى ورتالىعى باسقارۋشىسى قايرات كەلىمبەتوۆ ء«بىز Mastercard-پەن اراداعى ىنتىماقتاستىقتى قولدايمىز, سەبەبى, سول ارقىلى قارجى ورتالىعىنىڭ رەزيدەنتتەرىنە تەحنولوگيالىق جانە ءتيىمدى ورتا قۇرۋ بويىنشا ەكسپەرتيزا مەن حالىقارالىق تاجىربيەگە قول جەتكىزە الامىز. بۇل احقو-نىڭ ءساتتى دامۋىنا اسەر ەتەدى جانە قازاقستان بويىنشا بولاشاقتىڭ اقىلدى قالالارىنىڭ يننوۆاتسيالىق ينفراقۇرىلىمىنىڭ الاڭقايى ەتە الادى», - دەدى.
سەرىكتەستىكتىڭ ماڭىزدى بولىگى قارجى قىزمەتىنىڭ قولجەتىمدى بولۋىن قامتاماسىز ەتەتىن بىرىككەن جۇمىس, ول ءوز كەزەگىندە الەۋمەتتىڭ قارجىلىق ساۋاتتىلىعىنىڭ وزەگى بولماق.وسى ماقسات ءۇشىن تاراپتار ءبىلىم باعدارلامالارى مەن كامپانيالارىن قۇرۋدى جوسپارلاپ وتىر.
مۇنان وزگە, Mastercard احقو فينتەح-ستارتاپتارى اكسەلەراتورىن قۇرۋدى قولدايدى, وسى ارقىلى بۇل سالاعا ءوزىنىڭ ەرەكشە عالامدىق تاجىربيەسىن اكەلمەك.
Mastercard قازاقستاندا 22 جىلدان بەرى جۇمىس ىستەپ كەلەدى جانە بىرتىندەپ مەملەكەتتىڭ قولما-قال اقشاسىز ەكونوميكاسىن دامىتۋدا.
تولەم جۇيەسى قازاقستان نارىعىندا يننوۆاتسيالىق تولەم شەشىمدەرىن ەنگىزۋ ءۇشىن ءىرى بانكتەرمەن, ساۋدا-سەرۆيستىك كاسىپورىندارمەن جانە نارىقتىڭ وزگە دە قاتىسۋشىلارىمەن جۇمىس ىستەپ كەلەدى. تەك سوڭعى جىلدارى تولەم جۇيەسىنىڭ بانك-قاتىسۋشىلارىنىڭ سانى ەكى ەسەگە ارتتى.
جاڭا بانكتەردى قوسۋعا, تەحنولوگيالىق جانە ونىمدىك يننوۆاتسيالاردى ەنگىزۋگە قاتىستى جۇمىستار جالعاسىپ جاتىر.
باۋىرجان مۇقانوۆ,
"ەگەمەن قازاقستان"
