ياعني, اعىمداعى جىلدىڭ ناۋرىز ايىنان باستاپ قايىرىمدىلىق شارالارىمەن اينالىسىپ كەلە جاتقان قور قوعامدى ىزگىلەندىرىپ, جاعدايى تومەن وتباسىلاردىڭ بالالارىنا كومەك كورسەتۋ بارىسىندا قالالىق جۇمىسپەن قامتۋ جانە الەۋمەتتىك باعدارلامالار باسقارماسىمەن تىعىز بايلانىس ورناتتى. باسقارما حالىقتى الەۋمەتتىك قورعاۋ جۇيەسىندەگى فۋنكتسيالاردى جۇزەگە اسىرۋشى رەتىندە از قامتىلعان مۇقتاج جانداردى انىقتاپ قورعا ۇسىنادى. باستاپقى كەزەڭدە باسقارما تاراپى ۇسىنعان از قامتىلعان وتباسىلاردان شىققان 818 بالانىڭ ءتىزىمى قاراستىرىلىپ, ونىڭ ىشىندە اقشالاي سەرتيفيكات تۇرىندە 15 مىڭنان 35 مىڭ تەڭگە سوماسىندا 350 وتباسىنا كومەك كورسەتىلگەن. ازىرگە, كورسەتىلگەن قارجىلاي كومەكتىڭ جالپى قۇنى 7,5 ميلليون تەڭگەنى قۇرادى. قور جەتەكشىلەرىنىڭ ايتۋىنشا, «تۋعان جەر» باعدارلاماسى شەڭبەرىندە جۇزەگە اسىپ جاتقان باستاما الداعى ۋاقىتتا دا جالعاسىن تاپپاق.
– ءبىرىنشى كەزەڭدە مامىر ايىنان باستاپ «نيەت» قوعامدىق قورىمەن «ازىق-ت ۇلىك سەبەتى» باعدارلاماسى بويىنشا الەۋمەتتىك مۇقتاج ازاماتتارعا ءبىرشاما قولداۋ كورسەتىلدى. 2017 جىلدىڭ تامىزىنان باستالاتىن ەكىنشى كەزەڭدە «مەكتەپكە جول» باعدارلاماسى بويىنشا مەكتەپ جابدىقتارى مەن كيىمگە (مەكتەپ فورماسى) مۇقتاج بالالار قامتاماسىز ەتىلەدى. ال قاراشا ايىنان باستالاتىن ءۇشىنشى كەزەڭدە بارلىق مۇقتاج جاندارعا, سونىڭ ىشىندە «نيەت» قوعامدىق قورىندا تىركەلگەندەرگە كومەك كورسەتىلەدى دەگەن جوسپار بار – دەيدى «نيەت» قوعامدىق قورىنىڭ پرەزيدەنتى اينۇر تەمىرحانقىزى.
ءبىر ايتا كەتەرلىگى, قور ونلاين پلاتفورماسىندا قايىرىمدىلىققا مۇقتاج جانداردىڭ پايداسىنا ازىرلەنگەن جانە ونى كەز كەلگەن ادام ەنگىزە الادى.
ارمان وكتيابر,
«ەگەمەن قازاقستان»
الماتى
