جيىننىڭ باستى تاقىرىبى: «قوعامنىڭ رۋحاني كوكجيەگىنە جازۋشىلاردىڭ ىقپالى. الەمنىڭ تۇراقتى دامۋى». بۇۇ, يۋنەسكو, يسەسكو وكىلدەرى مەن الەم جازۋشىلارى, سونىمەن قاتار قازاقستان قالامگەرلەرى, وبلىستىق كىتاپحانالار مەن مۋزەيلەردىڭ وكىلدەرى قاتىسقان ۇلكەن كەش وقىرماندار مەن قوناقتارعا ارنالدى. مودەراتورلارى قازاقستاننىڭ ەڭبەك ەرى, اقىن ولجاس سۇلەيمەنوۆ پەن قازاقستان رەسپۋبليكاسى مەملەكەتتىك سىيلىعىنىڭ لاۋرەاتى نۇرلان ورازالين بولدى. وندا الەم نازارىن اۋدارىپ وتىرعان كىتاپ وقۋ ماسەلەسى, اۆتورلىق قۇقىق, قالاماقى تۇيتكىلدەرى دە ءسوز ەتىلدى. ءبىر جىلدا ادام باسىنا شاققاندا ەلىمىزدە 3 كىتاپ وقىلادى ەكەن. ەۋروپادا ادام باسىنا 7, اقش-تا 12 كىتاپ وقىلادى ەكەن.
بيەننالە اياسىندا «ورتالىق ازيا-اراب الەمى: تاريح پەن مادەنيەتتىڭ ءوزارا ىقپالداستىعى» حالىقارالىق عىلىمي كونفەرەنتسيا, «ماعان كىتاپ وقىپ بەرشى» حالىقارالىق اكتسياسىنىڭ تۇڭعىش وتىرىسى, «ۇلتتىق اۆتور شىعارمالارىن اعىلشىن تىلىنە اۋدارۋ» دوڭگەلەك ۇستەلى ءوتتى. سونىمەن قاتار, «جىبەك جولى-2017» كينوفەستيۆالى, «قوعامدىق سانانى جاڭعىرتۋداعى قازاقستان كىتاپحانالارىنىڭ ءرولى» اقىلداسۋ وتىرىسى, قىتاي جازۋشىسى, قحر جازۋشىلار وداعىنىڭ مۇشەسى اكپار ءماجيتتىڭ 4 تومدىق كىتابىنىڭ تۇساۋكەسەرى ءوتتى.
بيەننالە قاتىسۋشىلارىن الماتى وبلىسىنىڭ قورىقتارىن تاماشالاۋ, «مەدەۋ» مۇز ايدىنى مەن «شىمبۇلاق» تاۋ-شاڭعى كۋرورتىن, «اقالتەكە» جىلقى زاۋىتىن تانىستىرۋ ساپارلارى ۇيىمداستىرىلدى.
بيەننالە قورىتىندىسى بويىنشا, الەم مادەنيەتى قايراتكەرلەرىنە ۇندەۋ جولداندى.
باعاشار تۇرسىنباي ۇلى,
«ەگەمەن قازاقستان»
الماتى
