ء«بىز تۇلەكتەرمەن ماقتانامىز» اكتسياسى اياسىندا قولعا الىنعان يگى باستامانى جۋرناليستيكا فاكۋلتەتىنىڭ دەكانى, فيلولوگيا عىلىمدارىنىڭ كانديداتى, دوتسەنت ساعاتبەك مەدەۋبەك ۇلى, دەكاننىڭ عىلىمي-يننوۆاتسيالىق جانە حالىقارالىق قاتىناستار جونىندەگى ورىنباسارى اباي سادۋاقاسوۆ, ساياسي عىلىمدار دوكتورى, پروفەسسور گۇلميرا سۇلتانباەۆا, سونداي-اق, تۇلەكتەر قاۋىمداستىعىنىڭ ءتورايىمى, دوتسەنت ورىنتاي وشانوۆا باستاپ كەلدى.
وتاندىق ءباسپاسوز بەن ۋنيۆەرسيتەتتىڭ دامۋىنا قوسقان ۇلەسى ءۇشىن «ەگەمەن قازاقستان» گازەتىنىڭ الماتى تىلشىلەر قوسىنىنىڭ جەتەكشىسى تالعات ءسۇيىنباي, شولۋشى-جۋرناليستەر ساپارباي پارمانقۇل, گۇلزەينەپ سادىرقىزى ۋنيۆەرسيتەتتىڭ 80 جىلدىق مەرەيتويىنا وراي شىعارىلعان مەرەكەلىك التىن مەدالمەن ماراپاتتالدى. سونداي-اق شولۋشى-تىلشىلەر ايناش ەسالي مەن ايگۇل احانبايقىزى, ميرا بايبەك پەن ارمان وكتيابرگە وقۋ ورداسىنىڭ رەكتورى اكادەميك عالىمقايىر مۋتانوۆتىڭ ارنايى العىس حاتى تابىستالدى.
– ءبىز ءوز تۇلەكتەرىمىزبەن ماقتانامىز. كاسىبي ءبىلىمنىڭ الىپپەسىن ۇيرەتكەن ۇشقان ۇياسى شاكىرتتەرىنىڭ ءار جەتىستىگىنە سۇيىنەدى. دارحان قىدىرالى مىرزا باستاعان ەلىمىزدىڭ باس باسىلىمى «ەگەمەن قازاقستان» رەسپۋبليكالىق گازەتى اكتسيونەرلىك قوعامىنىڭ بارلىق قىزمەتكەرلەرىن ۇجىمىمىزدىڭ اتىنان كەلە جاتقان جۋرناليستەر كۇنىمەن شىن جۇرەكتەن قۇتتىقتايمىز – دەدى ساعاتبەك مەدەۋبەك ۇلى.
كەزدەسۋ بارىسىندا ەستەن كەتپەس ەستەلىكتەر ايتىلىپ, تۇلەكتەر تاراپىنان تىلەكتەر جولداندى. كەلگەن قوناقتارعا تىلشىلەر قوسىنى تاراپىنان پرەزيدەنتتىڭ ءباسپاسوز قىزمەتى مەن «ەگەمەن قازاقستاننىڭ» بىرلەسكەن جوباسىمەن «ەگەمەن قازاقستان» كىتاپحاناسىنىڭ سەرياسىمەن جارىق كورگەن «25 جىلدىڭ 25 ءساتى» كىتابى سىيعا تارتىلدى.
باعاشار تۇرسىنباي ۇلى,
«ەگەمەن قازاقستان»
الماتى
سۋرەتتەردى تۇسىرگەن نۇرمانبەت قيزات ۇلى
