«2017 جىلى ولاردىڭ سانى 600 مىڭعا جەتەدى دەپ جوسپارلانعان. نەگىزگى جولاۋشىلار لەگىن ازيادان قازاقستان ارقىلى ەۋروپاعا جانە كەرى باعىتتا قاتىنايتىندار قۇرايدى», – دەدى ج.قاسىمبەك.
مينيستر ايتىپ وتكەندەي, حالىقارالىق اۆياتسيا ۇيىمى ءاۋديتىنىڭ ەسكەرتۋلەرىن جويۋ بويىنشا جۇمىستار اتقارىلدى.
« 2009 جىلعى ۇشىلاردىڭ قاۋىپسىزدىگىن باقىلاۋدى قامتاماسىز ەتۋ بويىنشا حالىقارالىق ازاماتتىق اۆياتسيا ۇيىمى (يكاو) ءاۋديتىنىڭ ەسكەرتۋلەرىن جويۋ بويىنشا جۇمىستار جالعاسۋدا. بيىل ازاماتتىق اۆياتسيا كوميتەتى ەۋروپالىق تالاپتاردى جوسپارلى تۇردە ەنگىزۋ جانە ازاماتتىق اۆياتسيا سالاسىن رەتتەۋدىڭ بريتاندىق ۇلگىسىن باسشىلىققا الۋدى كوزدەپ وتىر», – دەدى ج.قاسىمبەك.
2016 جىلى پەتروپاۆل اۋەجايىنىڭ اەروۆوكزالى مەن ۇشۋ-قونۋ جولاعىن قايتا جاڭعىرتۋ اياقتالىپ, سەمەي اۋەجايىنىڭ تەرمينالى مەن ۇشۋ-قونۋ جولاعىن قايتا جاڭعىرتۋ جۇمىستارى باستالدى.
«سونىمەن بىرگە, ۇلت جوسپارى اياسىندا الماتىدا جاڭا اۋەجاي سالۋ جانە الەۋەتتى ينۆەستور تارتۋ ارقىلى حالىقارالىق اۆياتسيا حابىن قۇرۋ جونىندەگى جوبانى جۇزەگە اسىرۋ ماسەلەسى پىسىقتالۋدا», – دەدى مينيستر.
مينيستر ايتىپ وتكەندەي, 2016 جىلى 13 حالىقارالىق باعىت اشىلدى: الماتىدان سيان, شارم-ەل-شەيح (ماۋسىمدىق), تەگەران مەن سامارۋعا, استانادان امستەردامعا, اقتاۋدان باتۋميگە (ماۋسىمدىق) جانە سوچيگە (ماۋسىمدىق), شىمكەنتتەن ىستامبۇل مەن حۋدجاندقا, قاراعاندىدان ىستامبۇلعا, تارازدان نيجنەۆارتوۆسكى, سۋرگۋت جانە حۋدجاندقا.
«2020 جىلعا دەيىن استانادان توكيوعا, سينگاپۋرعا, شانحايعا(2019 ج.), نيۋ-يورككە (2020 ج.) تىكەلەي اۋە بايلانىسىن اشۋ جوسپارلانىپ وتىر», – دەدى ج.قاسىمبەك.
