كونفەرەنتسيا قاتىسۋشىلارىنىڭ الدىندا سويلەگەن سوزىندە باقىتجان ساعىنتاەۆ كەزدەسۋدىڭ «بولاشاق ەنەرگياسى» تاقىرىبىنداعى ەكسپو-2017-ءنىڭ اشىلۋ كۇندەرىنە وراي ۇيىمداستىرىلۋىنىڭ ماڭىزىن اتاپ ءوتتى. قر پرەمەر-ءمينيسترى استانادا وزدەرىنىڭ يننوۆاتسيالىق يدەيالارى مەن تەحنولوگيالارىن ۇسىنعان كورمەگە قاتىسۋشى بارلىق ەلدەر مەن حالىقارالىق ۇيىمدارعا العىس ءبىلدىردى.
قر پرەمەر-ءمينيسترى باقىتجان ساعىنتاەۆ مەملەكەت باسشىسى نۇرسۇلتان نازارباەۆتىڭ قازاقستاننىڭ قارقىندى دامۋشى, الەمدىك ەنەرگەتيكانىڭ ۇزاق مەرزىمدى ءارى تۇراقتى دامۋىن قامتاماسىز ەتۋ ستراتەگياسىن ۇستاناتىن مەملەكەت رەتىندە قالىپتاسۋىنداعى ەرەكشە ءرولىن اتاپ ءوتتى.
ب. ساعىنتاەۆ مينيسترلىك كونفەرەنتسيا مەن سەگىزىنشى فورۋمنىڭ بۇۇ-نىڭ بەس وڭىرلىك كوميسسياسىنىڭ قولداۋىنىڭ ارقاسىندا وتكىزىلگەنىن ايتتى. اتالعان جۇمىستىڭ ناتيجەسى ەنەرگەتيكا سالاسىنا قىزىعۋشىلىق تانىتقان بارلىق تاراپتاردىڭ ۇزاق مەرزىمدى ىنتىماقتاستىعىن نىعايتۋ بولادى. كونفەرەنتسيا دەكلاراتسياسىنىڭ ەرەجەلەرى «ەكسپو-2017 قۇندىلىقتارىنىڭ ۇندەۋحاتىنا» ەنگىزىلەدى.
تۇراقتى دامۋ ەنەرگەتيكاسى جونىندەگى سەگىزىنشى حالىقارالىق فورۋم مەن «ەنەرگەتيكانىڭ تۇراقتى دامۋىن قامتاماسىز ەتۋ» مينيسترلىك كونفەرەنتسياسىنىڭ نەگىزگى تاقىرىپتارى ەنەرگەتيكالىق قاۋىپسىزدىك, ساۋدا جانە ينفراقۇرىلىم, ەنەرگيا, كليمات جانە ازىق-ت ۇلىكتىڭ ءوزارا بايلانىسى, سونىمەن قاتار جاڭعىرتىلاتىن ەنەرگەتيكانى وڭىرلىك تۇرعىدان دامىتۋ بولىپ تابىلادى.
