شارا بارىسىندا بالالارعا اقىننىڭ ءومىرى مەن شىعارماشىلىعى تۋرالى ايتىلىپ, «اقىنداردىڭ سۇلتانى» اتتى بەينەفيلم ۇسىنىلدى. اقىن شىعارماشىلىعىندا ەلەۋلى ورىن الاتىن «قامار سۇلۋ», «كىم جازىقتى؟» روماندارى, «تانىسۋ», «اداسقان ءومىر», «كەدەي», «ايتىس» پوەمالارى كەڭىنەن تانىستىرىلىپ, وقۋعا, بىلىمگە دەگەن قۇشتارلىقتى ارتتىراتىن ولەڭدەرىنەن ۇزىندىلەر وقىلدى. №39 ورتا مەكتەپتىڭ 7 ء«ا» سىنىپ وقۋشىسى ارۋجان بازانوۆانىڭ ورىنداۋىنداعى «التىن بەسىك» ءانىن قاتىسۋشىلار زور قوشەمەتپەن قابىلدادى. ال №35 ورتا مەكتەپتىڭ 6 «ب» سىنىپ وقۋشىسى مادينا جاكينا اقىننىڭ شىعارماسىنان ءۇزىندى وقۋدان ەرەكشەلەنىپ, كورەرمەن ىقىلاسىنا يە بولدى.اقىننىڭ ءومىرى مەن شىعارماشىلىعىنان سىر شەرتەتىن «قازاقتىڭ ۇلى پەرزەنتى» اتتى كىتاپ كورمەسىنە دە شولۋ جاسالىپ, شاراعا ۇلەسىن قوسقان ونەرپاز بالالار العىس حاتتارمەن ماراپاتتالدى. اتالمىش شارانىڭ سوڭى حالىققا سۇلتانماحمۇت تورايعىروۆتىڭ پاتريوتتىق رۋح بەرەتىن «الاش ۇرانى» انىمەن اياقتالدى.
راۋشان نۇعمانبەكوۆا
سەمەي
سۋرەتتى تۇسىرگەن اۆتور
