مۇندا باسقارۋ جۇيەسىن جاڭعىرتۋ جۇزەگە اسىرىلدى. ءوزىنىڭ جاقىنداعى «بولاشاققا كوزقاراس: رۋحاني جاڭعىرۋ» باعدارلامالىق ماقالاسىندا پرەزيدەنت ن.ءا.نازارباەۆ قوعامدىق سانانى جاڭعىرتۋ قاجەتتىگىن اتاپ كورسەتتى. مەنىڭ پىكىرىمشە, قازاقستان باسشىسى جيىنتىعىندا جاڭعىرتۋدىڭ ءۇش باعىتىن جاريالاسا, ولار ەلدىڭ باسەكەگە قابىلەتتىلىگىن ارتتىرىپ, ونى بۇرىنعىدان دا پراگماتيكالىق ەتە ءتۇسۋى ءتيىس.
ساياسي جانە ەكونوميكالىق جاڭعىرتۋدىڭ تابىستى جۇزەگە اسىرىلۋى ەلدىڭ الەمدەگى اسا دامىعان 30 مەملەكەتى قاتارىنا قوسىلۋىنا وڭ ىقپال ەتسە, ونىڭ وسى ماقساتقا جەتكىزەتىنىنە مەنىڭ ەشقانداي كۇمانىم جوق. الايدا, بۇعان بەرىك ىرگەتاستى ناق وسى قوعامدى جاڭعىرتۋ, ونىڭ ساناسى مەن كوزقاراستارى, قادامدارى مەن ءبىلى-
ءمى قالايتىنى انىق. وسى تۇرعىدان العاندا مەن قازاقستان باسشىسىنىڭ ۇستانىمدارىمەن تولىقتاي كەلىسەمىن.
وسى جاس مەملەكەتتى سىرتتاي باقىلاي جانە ونىڭ ازاماتتارىمەن ۇنقاتىسا وتىرىپ, مەن قازاقستان قوعامىنىڭ ءبىر ورنىندا تۇرماي, ءوزىنىڭ دامۋىندا ۋاقىتپەن بىرگە ادىمداپ كەلە جاتقانىن جانە ءححى عاسىر تالاپتارىنا جاۋاپ بەرۋ ماقساتىندا سوعان بەيىمدەلە بىلەتىنىن انىق كورەمىن.
ەلدىڭ جاھاندىق ارەناداعى باستامالارى مەن تابىستارى, بۇۇ قاۋىپسىزدىك كەڭەسىندەگى مۇشەلىگى مەن جاھاندىق بەيبىتشىلىك پەن قاۋىپسىزدىكتى قامتاماسىز ەتۋدەگى كۇش-جىگەرى, قازاقستاننىڭ تابىستى مەدياتورلىق ءرولى, بىرلىك پەن تاعاتتىلىققا جاقىندىعى, اقىر سوڭىندا, اسا ءىرى حالىقارالىق شارالاردىڭ ءبىرى – ەكسپو-2017 كورمەسىن وتكىزۋى ەل مەن ونىڭ حالقى دامۋى دەڭگەيىنىڭ, ءارى قاراي جالپىۇلتتىق جاڭعىرتۋعا دەگەن ۇمتىلىسىنىڭ جانە جاس مەملەكەتتىڭ تولىسقاندىعى مەن پراگماتيكالىعىنىڭ كورسەتكىشى بولىپ تابىلادى.
جوزە جاميل ادۋم,
ەكونوميست, برازيليانىڭ ميناس-جەرايس شتاتىنداعى زونا دا ماتا ءوڭىرىنىڭ سىرتقى ساۋدا جانە حالىقارالىق قاتىناستار جونىندەگى كەڭەسىنىڭ ۆيتسە-پرەزيدەنتى
