نۇرسۇلتان نازارباەۆ پاكىستاننىڭ پرەمەر-مينيسترىمەن كەزدەسۋ بارىسىندا شانحاي ىنتىماقتاستىق ۇيىمىنىڭ سامميتىنە جانە «استانا ەكسپو-2017» دۇنيە جۇزىلىك كورمەسىنىڭ اشىلۋىنا كەلگەنى ءۇشىن العىس ايتتى.
– ءسىزدىڭ ەكسپو-نىڭ اشىلۋىنا جانە شىۇ-نىڭ ەرتەڭگى سامميتىنە قاتىسۋعا كەلگەنىڭىز ءۇشىن ريزامىن. پاكىستاندى ۇيىمعا مۇشە رەتىندە قابىلداۋ ۇدەرىسى 12 جىل بۇرىن ءدال وسى جەردە باستالعان, ەرتەڭ اياقتالادى, – دەدى قازاقستان پرەزيدەنتى.
نۇرسۇلتان نازارباەۆ مەملەكەتارالىق كووپەراتسيانى جولعا قويۋدىڭ جانە قازاقستان مەن پاكىستان اراسىنداعى ەكىجاقتى قاتىناستاردى ودان ءارى دامىتۋدىڭ ماڭىزدىلىعىن اتاپ ءوتتى.
ن.شاريف استانانىڭ كوركەيە تۇسكەنىنە نازار اۋدارىپ, نۇرسۇلتان نازارباەۆتىڭ قازاقستاننىڭ جاڭا استاناسىن سالۋداعى رولىنە توقتالدى.
– ءسىز استانانىڭ قۇرىلىسىنا قاتىستى تەڭدەسسىز ءارى تاڭعالارلىق جۇمىس اتقاردىڭىز. مەن قازاقستان استاناسىنداعى وزگەرىستەرگە قايران قالىپ وتىرمىن. ءسىزدىڭ كوزقاراسىڭىز بەن كوشباسشىلىعىڭىز وسى قالانىڭ جانە بۇكىل ەلىڭىزدىڭ گۇلدەنۋىنە قول جەتكىزدى, – دەدى پاكىستاننىڭ پرەمەر-ءمينيسترى.
كەزدەسۋ سوڭىندا ەكىجاقتى بايلانىستاردىڭ وزەكتى ماسەلەلەرى تالقىلاندى.
