جيىندى وبلىستىق ارداگەرلەر كەڭەسى توراعاسىنىڭ ورىنباسارى ءاديا احمەتوۆا اشىپ, قان مايداندا ەرلىكپەن قازا بولعان جەرلەستەرىمىز – ءابۋتالىپ ىسقاقوۆ پەن ۆاسيلي پەتروۆتىڭ ومىربايانىمەن تانىستىردى.
ءابۋتالىپ ىسقاقوۆ 1942 جىلى مايدانعا شال اقىن اۋدانىنان اتتانىپ, شىعىس پرۋسسيانى جاۋدان ازات ەتۋگە قاتىسقان. ال ۆاسيلي پەتروۆتىڭ ۇرپاقتارى بۇگىندە قىزىلجار وڭىرىندە تۇرادى. ەسىل ەرلەر ەرەن ەرلىكتەرى ءۇشىن سوعىس جىلدارى «قىزىل جۇلدىز» وردەنىمەن ناگرادتالسا دا, ءارتۇرلى سەبەپتەرمەن يەلەرىن تاپپاعان. ماراپاتتىڭ قۇجاتىن ولاردىڭ ۇرپاقتارىنا رەسەي فەدەراتسياسىنىڭ قازاقستان رەسپۋبليكاسىنداعى ەلشىسىنىڭ كەڭەسشىسى ەلەنا لىسەنكو سالتاناتتى تۇردە تاپسىردى.
«اسقار تاۋ اكەمنەن التى جاسىمدا ايرىلدىم. وتان ءۇشىن وت كەشىپ, قازا بولعان ەرلىگىنە باسىمدى يەمىن. ۇيىمدە اكەمنىڭ ەڭبەك كىتاپشاسى مەن مايدان دالاسىنان جازىلعان ءۇش حاتى ساقتاۋلى. مۇراعاتىمدى ەندى «قىزىل جۇلدىز» وردەنىنىڭ كۋالىگى تولىقتىرىپ وتىر. ەرلىك ەشقاشان ەسكىرمەيدى دەگەن وسى بولار», دەدى مايدانگەردىڭ قىزى زينايدا اگەەۆا كوزىنە جاس الىپ.
جاۋىنگەر ءابۋتالىپ ىسقاقوۆتىڭ كوكشەتاۋدان كەلگەن نەمەرە ءىنىسى سابىر سەڭكىباەۆ وسىنداي يگى شارانى ۇيىمداستىرۋعا ۇيىتقى بولعان ازاماتتارعا العىسىن ءبىلدىردى.
سوعىس ارداگەرى ستەپان باشكيروۆ, قالالىق قورعانىس ىستەرى جونىندەگى باسقارما باسشىسىنىڭ ورىنباسارى قايرات ىسقاقوۆتىڭ باتىر بابالارىمىزدىڭ ەرلىكتەرى, سوعىستىڭ زارداپتارى, بۇگىنگى تىنىش زاماننىڭ قادىرى جايلى اڭگىمەلەدى.
ءومىر ەسقالي,
«ەگەمەن قازاقستان»
