اوك-ءتى دامىتۋعا ارنالعان مەملەكەتتىك باعدارلامانى ىسكە اسىرۋ اياسىندا جامبىل وبلىسىنداعى «جۋالى الاتاۋ» جانە وڭتۇستىك قازاقستان وبلىسىنداعى «تۇلكىباس-بايتەرەك» ءىرى ءسۇت كووپەراتيۆتەرى بازاسىندا ءسۇت كلاستەرىن وڭدەيتىن «الاتاۋ فەرماسى» پيلوتتىق جوباسىن دايىنداۋ بويىنشا ماسەلەلەر تالقىلاندى.
چەحيا ەلى ءبىزدىڭ ەلىمىزگە جاڭازەلاندتىق Fonterra جانە داتتىق Arla ءسۇت كووپەراتيۆتەرىنىڭ وڭتايلى تاجىريبەسىن ەنگىزۋدى ۇسىندى. بۇل قازاقستان ءۇشىن ءسۇت ءوندىرىسىنىڭ ارزان باعاعا ساتىپ الۋ مەن ءسۇت ءوندىرىسىن دامىتۋداعى شەشۋشى فاكتورى بولىپ ەسەپتەلەدى. جانە بۇل شيكىزاتتى وڭدەۋشى مەن ءوندىرۋشى اراسىنداعى كەلىسپەۋشىلىك شەشىمى.
«الاتاۋ فەرماسى» پيلوتتىق جوباسىن ءتيىمدى ىسكە اسىرۋ رەسپۋبليكا بويىنشا ۇقساس جوبالار سەرياسىن قۇرۋعا جانە 600 ملن اقش دوللار كولەمىندە ينۆەستيتسيا تارتۋعا مۇمكىندىك بەرەدى. بۇل ءوز كەزەگىندە 2021 جىلعا قاراي ءسۇت كولەمىن 600 مىڭ تونناعا دەيىن جەتكىزىپ, قايتا وڭدەۋ جۇكتەمەلىگىن ارتتىرىپ جەتىلدىرەدى.
ايتا كەتەيىك, چەحيا ورتالىق جانە شىعىس ەۋروپا مەملەكەتتەرىنىڭ اراسىنداعى سىرتقى ەكونوميكاداعى قازاقستاننىڭ جەتەكشى سەرىكتەستەرىنىڭ ءبىرى بولىپ ەسەپتەلەدى. قارجى مينيسترلىگىنىڭ مالىمەتىنشە, قازاقستان مەن چەحيانىڭ 2016 جىلداعى تاۋار اينالىمى 252 ملن دوللاردى قۇرادى (ەكسپورت 66 ملن, يمپورت 186 ملن). چەحيانىڭ ماشينا قۇراستىرۋ تەحنولوگياسىنىڭ دامىعانىن ەسكەرە وتىرىپ, قازاقستان ءۇشىن ينۆەستيتسيا تارتۋدىڭ ماڭىزى زور. 2017 جىلعى 1 ناۋرىزداعى جاعداي بويىنشا قازاقستاندا چەحيالىق كاپيتالدىڭ ۇلەسىمەن 186 بىرلەسكەن مەكەمە تىركەلگەن.
