وسىعان وراي فيتوسانيتارلار دارىلەۋ جۇمىستارىنا كىرىسىپ كەتتى. بيىل زيانكەستەرگە قارسى كۇرەس شارالارى رەسەيمەن شەكارالاس اۋدانداردى قامتىماق. سەبەبى, بۇل اۋماقتاردا جىبەك قۇرتتاردىڭ تارالۋى شامادان تىس كوپ كورىنەدى. بۇگىنگە دەيىن بار-جوعى 47 گەكتار ورماندى القاپ وڭدەلىپتى.
«زيانكەستەر قىرىق كۇن قايىڭ جاپىراعىمەن قورەكتەنىپ, كوبەلەككە اينالعاننان كەيىن جۇمىرتقالايدى. وسى كەزەڭدى ءمۇلت جىبەرمەۋ كەرەك. وكىنىشتىسى سول, كورشى ەلدە جاندىكتەرمەن كۇرەس ءوز مانىندە جۇرگىزىلمەگەندىكتەن, توندىرەر قاۋپى, تيگىزەر زالالى از ەمەس», دەيدى تابيعات رەسۋرستارى جانە تابيعاتتى پايدالانۋدى رەتتەۋ باسقارماسىنىڭ باس مامانى قايروللا بايتەڭىزوۆ.
ءبىر قيىندىق تۋدىراتىنى, جىبەك قۇرتتار «جايىلىمعا» كەشكە عانا شىعادى ەكەن. سول سەبەپتى, دارىلەۋ جۇمىستارى قاس قارايا اتقارىلادى. وسىمدىك زيانكەستەرگە قارسى نەگىزىنەن «گەركۋلەس» اتتى بيولوگيالىق پرەپاراتتى قولدانىلۋدا.
«رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» رمم سقوف-نىڭ ءبولىم مەڭگەرۋشىسى ەرلىك ەسىمسەيىتوۆ ءدارى ساتىپ الۋ ءۇشىن ەل قازىناسىنان 380 مىڭ تەڭگە بولىنگەنىن جەتكىزدى.
بىلتىر 3 مىڭ گەكتار ورماندى القاپ زارارسىزداندىرىلعان بولاتىن.
ءومىر ەسقالي,
«ەگەمەن قازاقستان»
