اقش, وڭتۇستىك كورەيا, گەرمانيا, قىتاي, تۇركيا, رەسەي, قازاقستان جانە تاعى باسقا دا تاياۋ شەتەلدەردىڭ دارىگەر –حيرۋرگتارى, تراۆماتولوگ پەن ورتوپەد ماماندارىنىڭ باستارى تۇيىسكەن ءماجىلىستى قازاقستاندا وتكىزۋ قاجەتتىلىگى قايدان تۋىندادى؟
ء سىرا, بۇل ساۋالدىڭ جاۋابىن ءوز قانداسىمىز, ۇلتى قازاق, اقش-تىڭ ميسسۋري شتاتىنا قاراستى سەنت لۋيس كلينيكاسىنىڭ باس دارىگەرى, پوفەسسور, مەديتسينا عىلىمىنىڭ دوكتورى جولداس قۇلجانوۆ بەردى دەدى «ەگەمەن قازاقستان» ءتىلشىسى. ول ورتوپەد-حيرۋرگ مامان رەتىندە وسى سالاداعى مەملەكەتتەر اراسىنداعى سالىستىرمالى دەرەكتەرگە ۇنەمى نازار اۋدارىپ جۇرەتىنىن ايتا كەلىپ, قازاقستان اۋىر ارالاس جاراقاتتار الۋ كورسەتكىشتەرى بويىنشا الەمدەرگى مەملەكەتتەردىڭ العاشقى ۇشتىگىنە كىرەتىنى جونىندەگى سۇمدىق دەرەكتى العا تارتتى.
حالىقارالىق ينتەگراتسيا سيپاتىنداعى كەزدەسۋلەر كەزىندە الەمدەگى وزىق دامىعان ەلدەردىڭ دەنساۋلىق ساقشىلارى جاراقاتتان ساۋ-تامتىعى قالماعان اعزانى, سونىڭ ىشىندە جامباس جانە اياق-قول سۇيەكتەرىنىڭ جانە باسقا دا زاقىم كەلگەن مۇشەلەردى قالاي قالپىنا كەلتىرۋگە بولاتىنى جونىندەگى تاجىريبەلەرىن ورتاعا سالدى. سونداي-اق ولار وسى ءبىر كۇندەردە اۋىر دا كۇردەلى وتالار جاساۋعا قاتىسىپ, شەبەرلىك ساعاتتارى مەن ساباقتارىن وتكىزدى. سونىمەن بىرگە سۇيەكتەردىڭ زاقىمدانۋىنان زارداپ شەگىپ جۇرگەن كليەنتتەر مەن ءوڭىر تۇرعىندارىنا جانە كلينيكالاردا ەمدەلىپ جاتقان اۋرۋلارعا تەگىن كەڭەستەر بەردى.
حالىقارالىق ينتەگراتسيا اياسىندا اقتوبە وبلىسىنىڭ اكىمى بەردىبەك ساپارباەۆ پەن اقش-تاعى ورتوپەديالىق گوسپيتالدىڭ جەتەكشىسى جولداس قۇلجانوۆ جانە قىتايداعى شىڭجان-ۇيعىر اۆتونوميالىق وبلىسىنداعى حالىقتىق گوسپيتالدىڭ تراۆماتولوگ دارىگەرى مياو سيۋاگانگوم ءوزارا ىنتىماقتاستىقتى دامىتۋ جونىندەگى مەموراندۋمدارعا قول قويدى. مۇندا تاراپتار ءوز قارىم-قاتىناستارى كەڭ قۇقىقتىق جانە ءوزارا تيىمدىلىك نەگىزىندە قازاقستان رەسپۋبليكاسىنىڭ زاڭناماسىنا سايكەس نىعايتاتىنى جانە دامىتاتىنى كورسەتىلگەن. وسىعان وراي ولار اۋىر ارالاس جاراقاتتاردى ەمدەۋ مەن قالپىنا كەلتىرۋ جونىندەگى بىرلەسكەن ءىس-شارالار كەشەنىن جۇزەگە اسىرماق. بۇل ءۇشىن تاراپتار جۇمىسشى توپتارىن قۇرىپ, ىنتىماقتاستىق تەتىگىن ازىرلەۋ جانە ونى ودان ءارى جەتىلدىرۋ مەن دامىتۋ جونىندە ۇيلەستىرۋشى ورگاندار قۇرۋ تۋرالى ۇيعارىمعا كەلىپ وتىر. بۇل تۇرعىدا اقاپارات الماسۋ ماسەلەلەرىنە باسىمدىق بەرىلگەن.
تەمىر قۇسايىن,
«ەگەمەن قازاقستان»
اقتوبە
