كىتاپتا استانانىڭ ەجەلگى تاريحىنان بۇگىنىنە دەيىنگى تاريحي وقيعالار قامتىلعان. كىتاپ «ەكسپو-2017» كورمەسى مەن استانامىزدىڭ الماتىدان اقمولاعا (استاناعا) كوشكەنىنە 20 جىل تولۋىنا وراي شىعىپ وتىر. اتالمىش ەڭبەكتە كوپتەگەن ارحيۆتىك جانە جازبا ماتەريالدارمەن قوسا فولكلورلىق شىعارمالار دا قولدانىلعان. اۆتور بۇل جۇمىستى جازۋ ءۇشىن م. ابسەمەتوۆ, ن. اعىباەۆ, گ.الپىسباەۆا, ك. اميروۆا, ب. دوسانوۆا, ا. كاكەن, م. قۇسايىنوۆ, ج.قاسىمباەۆ, ا. سمايىل, د. شاحمانوۆ سىندى ولكەتانۋشى عالىمداردىڭ ەڭبەكتەرىنە سۇيەنگەن. كىتاپ استانانىڭ وتكەنى مەن بۇگىنى قىزىقتىراتىن بارشا وقىرماندارعا ارنالعان.
«استانا: وتكەنى جانە بۇگىنى» كىتابىنىڭ اۆتورى قابىلدينوۆ زيابەك ەرمۇحان ۇلى 1965 جىلعى 13 جەلتوقساندا رەسەيدىڭ ومبى وبلىسى, تاۆريچەسكي وبلىسىنداعى بايدالين (بايتۇياق) اۋىلىندا دۇنيەگە كەلگەن. 1991 جىلى ومبى مەملەكەتتىك ۋنيۆەرسيتەتىن «تاريح» ماماندىعى بويىنشا ءبىتىرىپ, «قازاق ءتىلى» قوعامىنىڭ وبمىداعى بولىمىندەگى «ومبى ءۇنى» گازەتىندە قىزمەت ەتكەن. 1997 جىلى كانديداتتىق, ال, 2003 جىلى رەسەي يمپەرياسى تەرريتورياسىنداعى قازاق حالقىن قالىپتاستىرۋ پروبلەمالارى تاقىرىبىندا دوكتورلىق ديسسەرتاتسياسىن قورعاعان. 500-گە جۋىق عىلىمي ەڭبەكتەر مەن پۋبليتسيستيكالىق ماقالالاردىڭ جانە بىرنەشە وقۋ قۇرالدارى مەن ءۇش مونوگرافيانىڭ اۆتورى. 2004-2017 جىلدار ارالىعىندا 30-دان استام وتاندىق جانە شەت ەلدىك عىلىمي جوبالارعا قاتىسقان. 2007 جىلعى قورىتىندى بويىنشا «قازاقستان جوو-نىڭ ۇزدىك وقىتۋشىسى» جانە قازاقستان جۋرناليستەر وداعىنىڭ مۇشەسى. زيابەك قابىلدينوۆ عالىم رەتىندە قازاق دياسپوراسىنىڭ قالىپتاسۋى, ءدىن, كوشى-قون جانە قاۋىپسىزدىك, تىلدىك ساياسات, ۇلتتىق يدەيا, ۇلارالىق قارىم-قاتىناس, قازاقستان تاريحى سىندى تاقىرىپتاردا زەرتتەۋلەر جۇرگىزىپ, قالام تەربەگەن. ال, عالىمنىڭ «استانا: وتكەنى جانە بۇگىنى» كىتابى سوڭعى جازعان ەڭبەگى جانە ۇزاق جىلدىق ىزدەنىس پەن ەڭبەكتىڭ جەمىسى.
