«1982 جىلى دۇنيەگە كەلگەن ءبىرىنىڭ باسىن, ال 1991 جىلى دۇنيەگە كەلگەن ەكىنشىسىنىڭ اياعىن تەرەزە اينەگىنىڭ سىنىقتارى جاراقاتتاعان. ولارعا مەديتسينالىق كومەك كورسەتتى جانە قازىر قاۋىپسىز جەردە. ەكى ازاماتپەن دە قازاقستاندىق ديپلوماتتار تۇراقتى بايلانىسقا شىعىپ, قاجەتتى كومەك بەرۋدە. جارىلىس سالدارىنان قازاقستاننىڭ كابۋلداعى ەلشىلىگىنە دە زاقىم كەلىپ, تەرەزەلەرى سىنعان. وقيعا ەلشىلىكتەن 1,5-2 شاقىرىم جەردە بولعان. قازىرگى ۋاقىتتا قازاقستاندىق ديپلوماتتار زارداپ شەككەن وزگە دە قازاقستاندىقتاردىڭ بار-جوعىن انىقتاۋدا. قالا جابىق. اۋعانستان استاناسىندا جۇرگەن بارلىق وتانداستارىمىزعا قالادا قاۋىپسىزدىك شارالارىن ساقتاۋدى, وزدەرىنىڭ جاعدايلارىن تۋىستارىنا ەسكەرتىپ, قاجەت بولعان جاعدايدا اۋعانستانداعى قازاقستاننىڭ كونسۋلىمەن مىنا «قاۋىرت جەلى» تەلەفون نومىرىمەن +93-747- 250-343 (WhatsApp) حابارلاسۋدى وتىنەمىز», دەپ جازدى قر ءسىم ءباسپاسوز قىزمەتىنىڭ جەتەكشىسى.
ايتا كەتەيىك, بۇگىن تاڭەرتەڭ اۋعانستان استاناسى كابۋلدە بولعان جويقىن جارىلىس سالدارىنان 50-گە جۋىق ادام وپات بولىپ تاۋىپ, 150-گە جۋىعى جاراقات الدى
