سول ءبىر الاي-دۇلەي شاقتاردا قازاقتىڭ انالارى بىزگە انا بولدى. اتالارى پانا بولدى. جاتسىنباستان جانىنا جاقىن تارتىپ, تورلەرىنەن ورىن بەردى, باۋىرىنا باستى. وزدەرى قانداي اۋىر كۇن كەشىپ جاتسا دا, بىزدەرگە اۋزىنداعى نانىن جىرىپ بەردى. تاعدىردىڭ تالكەگىن كەشىپ پانا سۇراپ كەلگەن تالاي حالىقتىڭ جەر دۇنيەدەن جويىلىپ كەتپەۋى, قازاق حالقىنىڭ جومارتتىعى مەن كەڭدىگىنىڭ ارقاسى دەپ بىلەمىز. دۇنيەدە بارىن قوناعىنىڭ الدىنا توساتىن قازاقتاي قوناقجاي حالىق كورگەن جوقپىن. سوندىقتان, قازاقستان حالقى اسسامبلەياسىنا قاراستى بارلىق ەتنوس وكىلدەرى كەڭپەيىل قازاق جۇرتىنىڭ الدىندا ماڭگىلىك بورىشتارمىز. بارشا ۇلتتى باۋىرىنا باسىپ, بەيبىتشىلىكتىڭ بەسىگىندە تەربەتكەن داريا كوڭىل قازاق جۇرتىنا ايتار العىسىمىز شەكسىز.
قازاقباي قاسيموۆ,
قازاقستان حالقى اسسامبلەياسىنىڭ مۇشەسى, فيلوسوفيا عىلىمدارىنىڭ دوكتورى
