«عالىمجاننىڭ بۇل ساپارىنىڭ ماقساتى – ەلىمىزدە وتكىزىلگەلى جاتقان حالىقارالىق ەكسپو كورمەسىن جۇرتشىلىققا ناسيحاتتاۋ. اۋەلى وسكەمەننەن سەمەيگە جەتىپ, ودان ارى كەرەكۋ قالاسىنا تابان تىرەپ, ەرەيمەنتاۋ ارقىلى استاناعا جەتسەك دەگەن ويىمىز بار», دەگەن ول ءبىر كولىكپەن جولداسىنىڭ ارتىنان ءجۇرىپ كەلە جاتقاندىقتارىن, وزدەرىمەن بىرگە ءبىر دارىگەردى الا شىققاندىقتارىن ايتتى. جانە بۇل ساپارعا ەشقانداي ارنايى مەكەمەلەردىڭ قاتىسىنسىز, ءوز ەرىكتەرىمەن, تۋعان-تۋىس, جولداس-جورالارىنىڭ كومەگىمەن اتتانىپ بارا جاتقاندىقتارىن, «بۇگىن مىندا قونامىز», «ەرتەڭ اندا قونامىز» دەپ الدىن الا جوسپار قۇرماعاندارىن دا جەتكىزدى.
وسىدان ءبىر ساعات بۇرىن حابارلاسقانىمىزدا ەركەگۇل عالىمجاننىڭ 26 مامىر كۇنى گلۋبوكوە اۋدانىنداعى گاگارينو اۋىلىنا قونىپ, جولعا شىققانىن, بۇل كۇنى 70 شاقىرىم جۇگىرىپ وتكەنىن, بۇگىن بۇلاق اۋىلىنا تۇنەپ, سەمەيگە 29 مامىر كۇنى جەتۋدى جوسپارلاپ وتىرعاندارىن تىلگە تيەك ەتتى.
«تۇندە جول ۇستىندە تۇنەسەك دەپ وزىمىزبەن بىرگە شاتىر الا شىققانبىز. بىراق تۇرعىندار ءبىزدىڭ كەلە جاتقانىمىزدى الدىن الا ءبىلىپ, تەلەفون شالىپ, ء«بىزدىڭ ۇيگە قونىڭدار» دەپ قوناقجايلىلىق تانىتىپ جاتىر. مۇنداي كەڭ پەيىل ازاماتتارعا العىستان باسقا ايتارىمىز جوق», دەيدى ەركەگۇل.
ەركەگۇل مۇقياتقىزى عالىمجاننىڭ كۇندەلىكتى جۇگىرۋ, تىنىعۋ ءتارتىبىن دە ايتىپ بەردى. ونىڭ ايتۋىنشا, عالىمجان تاڭەرتەڭ ساعات 06:00-دە تۇرىپ, 06:30-عا دەيىن تاڭعى اسىن ءىشىپ, ساعات 07:00-دەن جۇگىرۋدى باستاپ, ءبىر ساعات جۇگىرىپ, 10 مينۋت تىنىعىپ الادى ەكەن. ءبىر كۇنگى جۇگىرۋ مەجەسى – 8 ساعات, جۇگىرۋ ۇزاقتىعى – 60-70 شاقىرىم.
عالىمجان توقتار بۇعان دەيىن قالاداعى حالىققا قىزمەت كورسەتۋ ورتالىقتارىنىڭ بىرىندە جۇمىس ىستەگەن. جۇبايى ونىڭ قازىرگى ۋاقىتتا جۇمىس ىستەمەيتىنىن ايتتى.
قازىر استاناعا جاياۋ جول تارتىپ بارا جاتقان جىگىتتى جولاي كۇتىپ الىپ, اس-سۋ ۇسىنىپ, قۇدايى قوناق ەتۋگە نيەتتى ازاماتتار 87789262622 تەلەفونىنا حابارلاسۋىنا بولادى.
ازامات قاسىم,
«ەگەمەن قازاقستان»
سۋرەت عالىمجان توقتاردىڭ جۇبايى ەركەگۇل مۇقياتقىزىنان الىندى
