رامازان ايى قارساڭىندا وسى قايىرىمىدىلىق اكتسياسىنىڭ قورىتىندىلارى شىعارىلدى. وسىعان وراي اقتوبە وبلىسى بويىنشا وكىل-يمام وڭىردەگى ورتالىق «نۇر عاسىر» مەشىتىنىڭ باس يمامى تولەبي وسپان مىنا دەرەكتەردى العا تارتتى.
قايىرىمدىلىق ىستەرى قازاقستان مۇسىلماندارى ءدىني باسقارماسى اۋقىمىنا دەيىن كوتەرىلدى. يماندى ءىس بارىسىندا تاسقىن سۋدان زارداپ شەككەندەرگە جاماعات تاراپىنان سەگىز توننا ازىق-ت ۇلىك جانە 10 توننا كيىم-كەشەك تاپسىرىلدى. جالپى سانى 769 وتباسىنا كومەك كورسەتىلدى. ال شوتقا جينالعان قاراجاتقا ءبىر وتباسىنا «نۇر اقتوبە» جاڭا قۇرىلىس اۋدانىنان ەكى بولمەلى پاتەر بەرىلدى. ونىڭ ءىشى تۇرمىسقا قاجەتتى جيھازدارمەن تولىقتاي جابدىقتالعان. پاتەر كىلتىن تۇرمىسى تومەن, ءوز كۇشىمەن ءۇي سالىپ الۋعا شاماسى جەتپەيتىن وتباسىعا اقتوبەگە كەلگەن ساپارىندا قازاقستان مۇسىلماندار ءدىني باسقارماسىنىڭ توراعاسى, باس ءمۇفتي ەرجان قاجى مالعاجى ۇلىنىڭ ءوزى تاپسىردى.
تەمىر قۇسايىن,
«ەگەمەن قازاقستان»
