«ساۋىقتىرۋ لاگەرلەرىنىڭ جوندەۋ جۇمىستارىنا 106,7 ميلليون تەڭگە باعىتتالدى. ماتەريالدىق- تەحنيكالىق بازالارىن نىعايتۋعا 13,9 ميلليون تەڭگە جۇمسالدى. تۇرمىسى تومەن وتباسىلاردان شىققان 7789 بالا تەگىن دەمالاتىن بولادى», دەيدى ءبىلىم بەرۋ باسقارماسىنىڭ باسشىسى شولپان كارينوۆا.
جالپى ءبىلىم بەرەتىن مەكتەپتەر جانىنان ساۋىقتىرۋ الاڭدارى قۇرىلىپ, ولارعا 37 مىڭ وقۋشى تارتىلادى. استانادا وتەتىن «ەكسپو-2017» حالىقارالىق كورمەسىن 11 مىڭ بالا قىزىقتاپ, جەرگىلىكتى بيۋدجەت ەسەبىنەن قارجىلاندىرىلادى.
«بالداۋرەن», «بوبەك» سەكىلدى رەسپۋبليكالىق ماڭىزى بار ساۋىقتىرۋ ورتالىقتارىنا 750 بالا جىبەرىلەدى.
بۇدان تىسقارى اتا-انالار كوميتەتتەرىنىڭ باستاماسىمەن ەلىمىزدىڭ كورىكتى جەرلەرىنە 5-10 كۇندىك ساياحاتتار ۇيىمداستىرىلىپ, وقۋشىلار تاريحي جەرلەرمەن جان-جاقتى تانىساتىن بولادى. العاشقى توپ 5 ماۋسىم كۇنى شىعىس قازاقستان وڭىرىنە اتتانادى.
ءومىر ەسقالي,
«ەگەمەن قازاقستان»
