جاڭا ۆاگوندار قوستاناي-الماتى, قوستاناي-قاراعاندى, قوستاناي-ارقالىق ارالىعىنا ءجۇرىپ تۇراتىن بولادى. جاڭا ۆاگونداردىڭ ەسكىدەن ارتىقشىلىعى كوپ. بىرىنشىدەن وتە جايلى, ءار ۆاگوندا پولكالار اۆتوماتتى تۇردە اشىلىپ-جابىلادى, ەكىنشى قاباتتا جولاۋشىنىڭ قاۋىپسىزدىگى ەسكەرىلگەن, ۆاگوندا جەلدەتكىش,قىسقا تولقىندى پەش, ەلەكتروندى تابلو, ەكى بيودارەتحانا بار.
بۇل قوستانايعا اكەلىنەتىن سوڭعى ۆاگوندار ەمەس. جاقىن ۋاقىتتا تاعى دا 16 ۆاگون الىنادى, ونىڭ ىشىندە كۋپەلىك ۆاگوندار دا بولادى. بيىل قازاقستان بويىنشا جۇرەتىن 52 ۆاگون الۋ جوسپارلانىپ وتىر. كومپانيا باسشىلىعىنىڭ ايتۋىنشا, جاڭا ۆاگونداردىڭ باعىتتارعا قوسىلۋى بيلەت باعاسىنا اسەر ەتپەيدى.
ءنازيرا جارىمبەتوۆا,
«ەگەمەن قازاقستان»
