وبلىستىق قالالىق, ءماسليحات دەپۋتاتتارى, قوعامدىق كەڭەس مۇشەلەرى, قالا, وبلىس اكىمدىكتەرى, باعبانشىلار, سانيتارلىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى دا بارلىعى بىرلەسىپ ەندى شىركەيلەردىڭ قاپتاۋىن بولدىرماۋ جايىن تالقىلادى.
وبلىستىق ەنەرگەتيكا جانە كوممۋنالدىق شارۋاشىلىق باسقارماسىنىڭ مالىمەتىنشە شىركەيلەردى قۇرتۋ ءۇشىن 600 ميلليون تەڭگە ءبولىنىپتى. رەسەيدەن 157 400 ليتر ارنايى سۇيىق ءدارى جەتكىزىلىپتى. ءبىر ليتر 2240 تەڭگە. شىركەيلەر قاپتاماس ءۇشىن ءسىبىردىڭ «باكتيتسيد» دەپ اتالاتىن بيولوگيالىق ءدارىسىن «سيببيوفارم» كومپانياسى جەتكىزىگەن. قاجەتتى پرەپاراتتار مەن قىزمەتتەردى ساتىپ الۋ جونىندەگى كونكۋرس وتكەن جىلدىڭ جەلتوقسان ايىندا باستالىپ, 2017 جىلدىڭ اقپانىن دا اياقتالدى. قوعامدىق كەڭەس مۇشەلەرى, دەپۋتاتتار بارىپ بيوپرەپاراتتار ساقتالعان قويمانى دا كورىپ قايتتى. بۇل ءدارىنى ساتىپ الۋعا 352, 5 ميلليون تەڭگە جۇمسالىپتى. بىراق, رەسەيدەن جەتكىزىلگەن ءدارىنىڭ ساپاسى, تيىمدىلىگى, شىركەيلەردىڭ باس كوتەرمەۋىنە كەپىل بەرۋگە ءالى ەرتە.
قازىر ەرتىس وزەنىنىڭ اڭعارىن ماساعا قارسى اۋادان ۋلاۋ جۇمىستارى جۇرگىزىلۋدە. «باكتيتسيد» بيولوگيالىق پرەپاراتى تيەلگەن ان-2 ۇشاعى اۋەدە. وبلىس ورتالىعى ءۇشىن 14150 گەكتار اۋماقتا پرەپاراتتى سەبەدى
فاريدا بىقاي,
«ەگەمەن قازاقستان»
