ءىس-شارا اياسىندا باسقا دا دەلاگاتسيا باسشىلارى قاتارىندا ا. كامالدينوۆ يسپانيا كورولى VI فەليپەمەن كەزدەستى.
حالىقارالىق داعدارىسقا الىپ كەلگەن سيريالىق جانجال كونفەرەنتسيانىڭ باستى تاقىرىبى بولدى.
«قازاقستاندىق سىرتقى ساياسات ۆەدومستۆوسى باسشىسىنىڭ ورىنباسارى ەلىمىزدىڭ حالىقارالىق قاۋىمداستىقتىڭ قولدانىپ جاتقان شارالارىن, سونداي-اق ديالوگ پەن بىتىمگە كەلۋ جولى ارقىلى قانتوگىستى جەدەل توقتاتۋدى قولدايتىنىن اتاپ ءوتتى. قازاقستان سونىمەن قاتار, سيريانىڭ ساياسي بولاشاعىن ايقىنداۋعا باعىتتالعان سيريالىق بيلىك پەن وپپوزيتسيانىڭ ارەكەتتەرىن دە قولدايدى», – دەلىنگەن ءباسپاسوز حابارلاماسىندا.
ءوز كەزەگىندە, كونفەرەنتسياعا قاتىسۋشىلار سيريا بويىنشا استانا پروتسەسىنىڭ ناتيجەلەرىن جوعارى باعالاپ, قازاقستان قابىلداپ جاتقان بارلىق شارالارعا قولداۋ ءبىلدىردى.
تاياۋ شىعىستاعى ەتنوسارالىق جانە دىنارالىق جانجالداردى تالقىلاۋ بارىسىندا قازاقستاندىق ديپلومات ەلىمىزدىڭ تاۋەلسىزدىگىنىڭ العاشقى كۇنىنەن باستاپ بەيبىت دامۋدى تاڭداعانىن ايتتى. بۇل رەتتە ۆيتسە-مينيستر قولدانىستاعى ازاماتتىق قوعامنىڭ ەرەكشە ينستيتۋتى – جوعارى دەڭگەيدەگى مادەنيارالىق سۇحباتتىڭ جاڭا كەزەڭىنە باستاۋ سالعان قازاقستان حالقى اسسامبلەياسىنىڭ قىزمەتى تۋرالى دا حابارلادى.
